کوئٹہ(نیوز ڈیسک)بلوچستان کا دارالحکومت کوئٹہ دھماکے سے لرز اٹھا۔ تفصیلات کے مطابق بلوچستان کے دارالحکومت کوئٹہ میں دھماکہ ہونے کی اطلاعات موصول ہوئی ہیں۔میڈیا رپورٹس کے مطابق کوئٹہ کے علاقے مشرقی بائی باس سے دھماکہ ہونے کی اطلاعات موصول ہوئی ہیں۔ دھماکے کے نتیجے میں کئی افراد کے زخمی ہونے کی اطلاعات بھی ہیں۔ دھماکے کے بعد ریسکیو ٹیموں کو جائے وقوعہ کیلئے روانہ کر دیا گیا ہے۔ جبکہ سیکورٹی فورسز بھی متحرک ہوگئی ہیں۔ تاحال دھماکے کی نوعیت معلوم نہیں ہو سکی۔ دھماکے کے نتیجے میں جانی نقصان ہونے کا بھی خدشہ ہے۔ دوسری جانب لائن آف کنٹرول کے گوئی سیکٹر میں بھارتی فوج کی گولہ باری سے ایک خاتون شہری شہید ہوگئی۔
تفصیلات کے مطابق لائن آف کنٹرول پر بھارتی فوج نے ایک بار پھر سیز فائر معاہدے کی خلاف ورزی کرتے ہوئے شہری آبادی کو نشانہ بنایا ہے، بھارتی فوج نے لائن آف کنٹرول کے گوئی سیکٹر پر بلااشتعال فائرنگ اور گولہ باری کی جس کے نتیجے میں ایک خاتون جان بیگم شہید ہوگئی۔بھارتی فوج نے لائن آف کنٹرول کے تتہ پانی سیکٹر پر بھی شہری آبادی کو نشانہ بنایا، بھارتی فوج کی فائرنگ سے سہڑہ گاؤں کے رہائشی 60 سالہ سردار نسیم زخمی ہوگئے، بزرگ شہری کو ڈسٹرکٹ ہیڈ کوارٹر کوٹلی منتقل کردیا گیا ہے۔ذرائع کا کہنا ہے کہ بھارتی فوج کی جانب سے گولہ باری اور فائرنگ کا سلسلہ دوپہر ڈھائی بجے سے شروع ہوا، جب کہ پاک فوج کی جانب سے بھی بھرپور جوابی کارروائی کی جارہی ہے۔
