لاہور : پاکستان کرکٹ بورڈ کے چیف سلیکٹر انضمام الحق نے اپنے عہدہ چھوڑنے کا اعلان کر دیا ہے جس کے بعد قومی کرکٹرز کی جانب سے ان کیلئے تعریفی ٹویٹس کا سلسلہ جاری ہے۔قومی کرکٹ ٹیم کے لیگ سپنر شاداب خان ورلڈکپ سے پہلے یرقان میں مبتلا ہوئے تو میگا ایونٹ میں ان کی شرکت بھی مشکوک ہو گئی تاہم وہ بروقت صحت یاب ہو گئے اور عالمی کپ میں قومی ٹیم کیلئے اہم کردار ادا کیا تھا یرقان میں مبتلا ہونے پر انضمام الحق نے ان کیساتھ بہت اچھا سلوک کیا۔
انہوں نے ٹوئٹر پر اپنے پیغام میں لکھا ہے کہ ”میرے لئے انضمام بھائی ایک بہترین استاد اور بے غرض شخص ہیں۔ جب میں ورلڈکپ سے پہلے بیمار ہوا تو وہ میرے ساتھ کھڑے ہوئے، اور اس بات کو یقینی بنایا کہ میرا حوصلہ بلند رہے اور میرے معاملے میں ہمت نہیں ہارے۔ بطور چیف سلیکٹر میرے ملک کیلئے اپنی خدمات سرانجام دینے کا بہت بہت شکریہ انضمام بھائی“۔
To me @Inzamam08 bhai is a great mentor and a selfless character. When I fell ill right before the world cup, he stood next to me, made sure that I remain in high spirits & refused to give up on me. #ThankYouInzamam for your services to my country as CS. #Legend #Respect pic.twitter.com/dyosrLpbBH
— Shadab Khan (@76Shadabkhan) July 17, 2019
خیال رہے کہ انضمام الحق نے اپنے عہدہ چھوڑنے کا اعلان کر دیا ہے جس کے بعد قومی کرکٹرز کی جانب سے ان کیلئے تعریفی ٹویٹس کا سلسلہ جاری ہے۔ شاداب خان سے پہلے قومی ٹیم کے جارح مزاج بلے باز آصف علی نے انکشاف کیا تھا کہ چیف سلیکٹرانضمام الحق نے ان کی بیٹی کے کینسر کےعلاج کے لیے پیسوں کا بندوبست کیا تھا ۔ سوشل میڈیا ویب سائٹ ٹویٹر پر اپنے پیغام میں آصف علی کا کہنا تھا کہ ” جب انضمام بھائی کو میری بیٹی کے سٹیج 4 کینسر میں مبتلا ہونے کے بارے میں علم ہو ا تو وہ فور ی طور پر پی سی بی گئے اور وہاں بات کرکے پیسوں کا انتظام کروایا،وہ عظیم کھلاڑی ہیں جن کے بارے میں الفا ظ نہیں ہیں اورمیدان کے اندر اور باہر حقیقی رول ماڈل ہیں“۔
