لاہور(آئی اےن پی) وفاقی وزیر ریلوے شیخ رشید احمد نے دعویٰ کرتے ہوئے کہا ہے کہ جولائی کے اختتام تک اسحا ق ڈار پاکستان کو لے آئیں گے چند دن آگے پیچھے ہوسکتے ہیں ‘ مریم نواز کی خواہش ہے نوازشر یف بھی مرسی بن جائے ‘پنجاب اسمبلی میں (ن) لیگ کے37اراکین کا فاروڈ بلاک بننے کےلئے تیار ہے صرف 7ارکان کم ہیں وہ پورے ہوئے تو فارورڈ بلاک بن جائیگا‘ ملکی سیاست میں آئندہ 90روز بہت اہم ہیں۔ قومی اسمبلی میں بھی ن لیگ کے فارورڈ بلاک کا اعلان بہت جلد ہوجائے ‘مر یم نواز کو منڈی بہاؤالدین میں جلسہ کر نا پنگالینے والی بات ہے وہ جلسے کر نا چاہتی ہے تو کر لیں اس سے کوئی فرق نہیں پڑ ےگا انکی

سیاست ختم ہوچکی ہے ‘جمہوریت کو سب سے زیادہ خطرات چور سیاستدانوں سے لاحق ہیں۔ جو لوگ شور مچا رہے ہیں ان کی گرفتاریاں بہت قریب ہیں۔یہ ایسے لوگ ہیں جو اپنی اپنی اہلیہ کو بھی پھنسوائیں گے عنقریب ان اہلیہ کے اکاونٹس سے پردہ اٹھے گا جن میں پیسے آئے‘ چیئرمین سینیٹ کی تبدیلی سے کوئی فرق نہیں پڑیگا شہباز شریف کو سازش کے تحت اپوزیشن لیڈر بنایاگیاہے۔ لاہور میں پر یس کانفر نس سے خطاب کے دوران شیخ رشید احمد نے کہا کہ ملک کی ہر پارٹی میں چینی اور آٹا مافیا موجود ہے بے نامی زمینوں میں ریلوے کو بڑی جگہ ملی ہے۔ ہم نے کم عرصے میں ریلوے خسارہ کم کیا،ریلوے نے 35لاکھ لٹر تیل کی بچت کی ہے۔ انٹر نیشنل ٹینڈر پر جا کر ریلوے کی حالت مزید بہتر بنائیںگے۔انہوں نے کہا کہ اخراجات میں تاریخی کمی کی اور ریلوے میں بہتری لائے ہیں تمام ریلوے ملازمین کو بحال کیاگیا ریلوے میں 7لاکھ مسافروں کا اضافہ کیاگیا۔ لاہور سے میاں والی جانے والی لائن اپگریڈ کررہے ہیں بے نامی زمین کا بڑا حصہ ریلوے کو ملنے جارہا ہے ،بے نامی زمینو ں پر ہم نے کمیٹی بنائی آئندہ ماہ ایک اور ٹینڈر کرنے جارہے ہیںوفاقی وزیر ریلوے نے ایک سوال کے جواب میں یہ بھی کہا کہ ڈالر کی قیمت بڑھنے سے ریلوے کو 4ارب روپے کا نقصان ہواہے۔شیخ رشید نے کہا کہ شہباز شریف بری طرح پھنس گئے ہیں، ایک طرف مریم ہے تو دوسری طرف حمزہ ہے، ن لیگ کی حکومت اور نواز شریف کو سو فیصد مریم نے مروایا ہے۔