اسلام آباد (ویب ڈیسک) وفاقی وزیر سائنس اینڈ ٹیکنالوجی فوادچوہدری نے کہا پاکستان کےلیےسب سےبڑا خطرہ فتوے باز مولوی ہیں، تمام طبقہ ہائےفکر کو اس رویےکیخلاف جہاد کرنا چاہیے۔وفاقی وزیر سائنس اینڈ ٹیکنالوجی فوادچوہدری نے سماجی رابطے کی ویب سائٹ ٹوئٹر اپنے بیان میں کہا پاکستان کےلیےسب سےبڑا خطرہ فتوے باز مولوی ہیں، ہمارے
پچھترفیصد مسائل کی وجہ علمائے سو ہیں، تمام طبقہ ہائےفکر کو اس رویےکیخلاف جہاد کرنا چاہیے، بلاول بھٹو اپنے موقف پر تعریف کے مستحق ہیں۔یاد رہے دو روز قبل اسلام آباد میں اپوزیشن کی آل پارٹیز کانفرنس ہوئی تھی ، کانفرنس کے اعلامیے میں بلاول بھٹو زرداری نے وزیر اعظم عمران خان کے حوالے سے صحابہ کی توہین کا ذکر شامل کرنے کی تجویز پر مخالفت کرتے ہوئے واضح کیا تھا کسی کے بھی خلاف مذہب کو استعمال نہیں ہونے دوں گا۔آل پارٹیز کانفرنس میں حکومت کے خلاف تحریک چلانے پر اکثریتی جماعتوں نے اتفاق کیا تاہم پی پی چیئرمین بلاول بھٹو نے حکومت مخالف تحریک چلانے کی تا حال حمایت نہیں کی۔خیال رہے وفاقی وزیر برائے سائنس و ٹیکنالوجی فواد چوہدری نے قومی اسمبلی میں اظہار خیال کرتے ہوئے کہا تھا عمران خان کی آمد سیاست میں تبدیلی کی وجہ ہے۔ احتساب کا بیانیہ صرف تحریک انصاف نے اپنایا ہے۔ عمران خان نے کہا تھا رلاؤں گا، رلا دیا۔فواد چوہدری کا کہنا تھا کہ ہمیں اپنے اداروں کو مضبوط کرنا ہوگا، سول حکومت نے 50 ارب روپے کا خرچہ کم کیا ہے۔ وزیر اعظم سیکریٹریٹ اور ورزا کے اخراجات میں کمی کی ہے۔ سنہ 1947 سے 2008 تک ہمارا قرض 6 ہزار ارب تھا۔ 6 ہزار ارب سے قرضہ 30 ہزار ارب پر پہنچ گیا۔
