پاکستان کے خلاف سیریز میں آسٹریلیا کی کپتانی کون کرے گا کون سا انتہائی تگڑا بائولر ٹیم سے باہر ہو گیا، بڑی خبرآگئی
کینبرا(آئی این پی)پاکستان کے خلاف ون ڈے سیریز کیلئے 15رکنی آسٹریلوی ٹیم کا اعلان کردیا گیا۔ پاکستان اور آسٹریلیا کے درمیان 5میچز پر مشتمل ایک روزہ میچز کی سیریز 22مارچ سے متحدہ عرب امارات میں شروع ہورہی ہے جس کے لیے آسٹریلوی ٹیم نے ایرون فنچ کی قیادت میں ٹیم کا اعلان کیا۔بھارت کے خلاف کھیلنے والے 15 رکنی آسٹریلوی
اسکواڈ میں کوئی تبدیلی نہیں کی گئی، فاسٹ بولر مچل اسٹارک فٹنس مسائل کے باعث پاکستان کے خلاف سیریز سے باہر ہوگئے۔آسٹریلیا کی جانب سے ایرون فنچ کپتان، الیکس کیرے اور پیٹ کمنز مشترکہ طور پر نائب کپتان ہوں گے جب کہ اسکواڈ میں عثمان خواجہ، شان مارش، پیٹر ہینڈسکومب، گلین میکسویل، کین رچرڈسن، جیسن بہرنڈوف، نیتھن لیون اور ایڈم زمپا شامل ہیں۔امکان ظاہر کیا جارہا تھا کہ بال ٹیمپرنگ میں ایک سال کی سزا پانے والے سابق کپتان اسٹیو اسمتھ اور نائب کپتان ڈیوڈ وارنر کو پاکستان کے خلاف سیریز میں شامل کیا جائے گا تاہم سلیکٹرز نے دونوں کھلاڑیوں پر اعتماد نہ کرتے ہوئے انہیں شامل نہیں کیا۔کرکٹ آسٹریلیا کا کہنا ہے کہ 28مارچ کو پابندی ختم ہونے کے باوجود اسٹیو اسمتھ اور ڈیوڈ وارنر ٹیم کو دستیاب نہیں، دونوں کھلاڑی فٹنس کی بحالی کے عمل سے گزر رہے ہیں۔پاکستان اور آسٹریلیا کے مابین پانچ ایک روزہ میچز پر مشتمل سیریز کا پہلا میچ 22 مارچ کو، دوسرا 24مارچ کو، تیسرا 27مارچ کو جبکہ چوتھا اور پانچواں میچ بالترتیب 29 اور 31مارچ کو کھیلا جائے گا۔
