’شنواری آتے ہی چھا گیا ‘‘ عثمان شنواری نے وہ کر دکھایا جو عمران خان بھی نہ کرسکے!! صرف 11 میچز میںبڑے ریکارڈ ز کے پر خچے اڑا ڈالے
جوہانسبرگ(مانیٹرنگ ڈیسک) عثمان شنواری نے وہ کر دکھایا جو عمران خان بھی نہ کرسکے!!صرف 11 میچز میںبڑے ریکارڈ ز کے پر خچے اڑا ڈالے ۔۔قومی ٹیم کے فاسٹ باؤلر عثمان خان شنواری نے جنوبی افریقہ کے خلاف چوتھے ون ڈے میں شاندار باؤلنگ کا مظاہرہ کرنے کے ساتھ ساتھ منفرد اعزاز بھی اپنے نام کرلیا ہے۔جنوبی افریقہ کے خلاف
دوسرے ون ڈے میں25سالہ عثمان شنواری نے 35رنز دے کر4کھلاڑیوں کو پوویلین بھیجا، عثمان شنواری اب تک 11ون ڈے میچز میں16.31کی اوسط سے22وکٹیں حاصل کرر کھی ہیں ۔اپنے پہلے 11ون ڈ ے میں عثمان شنواری سے زیادہ ون ڈے شکار کرنے والے واحد پاکستانی باؤلر سرفراز نواز ہیں جنہوں نے 23وکٹیں اپنے نام کی تھیں ۔ یاد رہے کہ پاکستان نے ون ڈے سیریز کے چوتھے میچ میں جنوبی افریقا کو 8 وکٹوں سے شکست دے کر سیریز 2،2 سے برابر کردی۔جوہانسبرگ میں کھیلے گئے میچ میں قومی بلے بازوں نے میزبان ٹیم کے 165 رنز کے آسان ہدف کو پراعتماد انداز میں بیٹنگ کرتے ہوئے 2 وکٹوں کے نقصان پر 32 ویں اوور میں پورا کرلیا، گزشتہ میچ میں سنچری بنانے والے امام الحق نے اپنی شانداری کارکردگی کے سلسلے کو برقرار رکھتے ہوئے 71 رنز بنائے جبکہ فخر زمان 44 رنز بنا کر آؤٹ ہوئے، بابر اعظم 41 اور سرفراز احمد کی جگہ شامل ہونےوالے وکٹ کیپر بیٹسمین محمد رضوان 4 رنز بنا کر ناٹ آؤٹ رہے۔ جنوبی افریقا کی جانب سے عمران طاہر اور پھلکوایو نے 1،1 وکٹ حاصل کی۔اس سے قبل پاکستان نے جنوبی افریقا کےخلاف ٹاس جیت کر پہلے فیلڈنگ کا فیصلہ کیا تو پروٹیز کی جانب سے ڈی کوک اور ہاشم آملہ نے اننگز کا آغاز کیا تاہم شاہین آفریدی نے دوسرے ہی اوور میں ڈی کوک کو کھاتہ کھولے بغیر ہی پویلین واپس بھیج دیا جس کے بعد ہینڈرکس بیٹنگ کے لیے آئے لیکن وہ بھی صرف 2 رنز بنانے کے بعد شاہین آفریدی کا شکار بن گئے۔ کپتان فاف ڈوپلسی نے ہاشم آملہ کے ساتھ ملکر تیسری وکٹ کے لیے 101 رنز کی شراکت قائم کی، اس دوران دونوں بلے بازوں نے نصف سنچریاں سکور کیں، ڈوپلسی 57 رنز بناکر شاداب خان اور ہاشم آملہ 59 رنز پر عماد وسیم کا شکار بنے جبکہ ڈیوڈ ملر بھی صرف 4 رنز کے ہی مہمان ثابت ہوئے۔حیران کن طور پر میزبان ٹیم کی آخری 5 وکٹیں صرف 8 رنز کے اضافے سے گری اور 157
رنز پر پانچویں وکٹ گرنے کے بعد صرف 164 رنز ہی بناسکی۔ عثمان شنواری نے ایک ہی اوور میں پروٹیز کے 3 کھلاڑیوں وین ڈیر ڈاسن، ڈیل سٹین اور کگیسو رباڈا کو پویلین واپس بھیج کر میزبان ٹیم کی مشکلات میں اضافہ کردیا اور اگلے ہی اوور میں اینڈائل فیلوکایو کو 11 رنز پر آو¿ٹ کردیا۔عمران طاہر کی وکٹ شاداب خان کے حصے میں آئی۔ قومی ٹیم کی جانب سے عثمان شنواری نے 4، شاداب خان اور شاہین آفریدی نے 2،2 جبکہ محمد عامر اور عماد وسیم نے 1، 1 وکٹ حاصل کی۔
