کھیل کے میدان سے بڑ ی بریکنگ نیوز آگئی پا کستانی با ئو لنگ کے بعد بیٹنگ نے بھی جنو بی افریقہ کے پر خچے اڑا دیئے ، میچ کا نتیجہ آگیا
جوہانسبرگ: پاکستان نے جنو بی افریقہ کو 8وکٹو ں سے شکست دیدی، جنوبی افریقا نے پاکستان کو چوتھے ایک روزہ میچ میں 165 رنز کا آسان ہدف دیا جس کے جواب میں قومی ٹیم کی بیٹنگ جاری ہے۔ جوہانسبرگ میں کھیلے جارہے چوتھے ایک روزہ میچ میں شاہینوں نے عمدہ بولنگ کی بدولت پروٹیز کو 41 اوور میں 164 رنز پر پویلین بھیج دیا جس کے
جواب میں فخرزمان اور امام الحق نے قومی ٹیم کو عمدہ آغازفراہم کیا۔ہدف کے تعاقب میں امام الحق اور فخر زمان نے اننگز کا پراعتماد انداز میں آغاز کیا اور پہلی وکٹ پر 70 رنز کی شراکت قائم کی تو فخر 44 رنز بنا کر عمران طاہر کا شکار بن گئے۔فخر زمان نے اپنی اننگز میں 7 چوکے لگائے، دوسری وکٹ 164رنز پر امام الحق 71رنز بنا کر آئو ٹ ہو ئے۔۔اس سے قبل پاکستان نے جنوبی افریقا کے خلاف ٹاس جیت کر پہلے فیلڈنگ کا فیصلہ کیا تو پروٹیز کی جانب سے ڈی کوک اور ہاشم آملہ نے اننگز کا آغاز کیا تاہم شاہین آفریدی نے دوسرے ہی اوور میں ڈی کوک کو کھاتہ کھولے بغیر ہی پویلین واپس بھیج دیا جس کے بعد ہینڈرکس بیٹنگ کے لیے آئے لیکن وہ بھی صرف 2 رنز بنانے کے بعد شاہین آفریدی کا شکار بن گئے۔کپتان فاف ڈوپلسی نے ہاشم آملہ کے ساتھ ملکر تیسری وکٹ کے لیے 101 رنز کی شراکت قائم کی، اس دوران دونوں بلے بازوں نے نصف سنچریاں اسکور کیں، ڈوپلسی 57 رنز بناکر شاداب خان اور ہاشم آملہ 59 رنز پر عماد وسیم کا شکار بنے جب کہ ڈیوڈ ملر بھی صرف 4 رنز کے ہی مہمان ثابت ہوئے۔حیران کن طور پر میزبان ٹیم کی آخری 5 وکٹیں
صرف 8 رنز کے اضافے سے گری اور 157 رنز پر پانچویں وکٹ گرنے کے بعد صرف 164 رنز ہی بناسکی۔ عثمان شنواری نے ایک ہی اوور میں پروٹیز کے 3 کھلاڑیوں وین ڈیر ڈاسن، ڈیل اسٹین اور کاگیسو رباڈا کو پویلین واپس بھیج کر میزبان ٹیم کی مشکلات میں اضافہ کردیا اور اگلے ہی اوور میں اینڈائل فیلوکایو کو 11 رنز پر آؤٹ کردیا۔عمران طاہر کی وکٹ شاداب خان کے حصے میں آئی۔ قومی ٹیم کی جانب سے عثمان شنواری نے 4، شاداب خان اور شاہین آفریدی نے 2،2 جب کہ محمد عامر اور عماد وسیم نے ایک ایک وکٹ حاصل کی۔
