جنو بی افریقہ کیخلاف چو تھے میچ سے سر فراز احمد کی چھٹی ہو گئی
جوہانسبرگ(مانیٹر نگ ڈیسک) تازہ ترین میڈیا رپورٹس کے مطابق پاکستان اور جنوبی افریقہ کے مابین میچ کا ٹاس ہو گیا ہے ۔ آج ٹا س کرنے کیلئے سرفراز احمد کی جگہ شعیب ملک کو بھیجا گیا ۔ اطلاعات موصول ہوئی ہیں کہ سرفراز کی جگہ محمد رضوان کو ٹیم میں شامل کیا گیا ہے جبکہ سرفراز پر 4میچ کھیلنے پر پابندی عائد کر دی گئی ہے۔
اور انکی جگہ کپتان شعیب ملک اور وکٹ کیپر محمد رضوان کو بنایا گیا ہے ۔ واضح رہے کہ پاکستان نے جنوبی افریقا کے خلاف چوتھے ایک روزہ میچ میں ٹاس جیت کر فیلڈنگ کا فیصلہ کیا ہے۔دونوں ٹیموں کے درمیان سیریز کا اہم میچ جوہانسبرگ میں اب سے کچھ دیر بعد کھیلا جائے گا۔سیریز میں میزبان جنوبی افریقا کو 1-2 کی برتری حاصل ہے اور سیریز میں رہنے کے لیے سرفراز الیون کو آج کا میچ لازمی جیتا ہوگا، میزبان ٹیم کی کامیابی کی صورت میں سیریز جنوبی افریقا کے نام ہوجائے گی، اس لیے قومی ٹیم کے پاس غلطی کی کوئی گنجائش نہیں۔قومی ٹیم میں چوتھے ایک روزہ میچ کے لیے کسی تبدیلی کا امکان ہے، امام الحق اور فخر زمان کے اوپننگ کیے جانے کا امکان ہے جب کہ بابراعظم، محمد حفیظ، سرفراز احمد اور شعیب ملک قومی بیٹنگ لائن کا محور ہوں گے۔بولنگ کے شعبے میں محمد عامر، حسن علی، شاہین شاہ آفریدی اور عماد وسیم اہم ہتھیار ہیں۔
