”پاکستان کی ٹیم ہم سے بہت مضبوط ہے اور۔۔۔“ فاف ڈوپلیسی نے ناقابل یقین بیان دیدیا، جان کر سرفراز اور مکی تو کیا انضمام الحق بھی خوشی سے پھولے نہیں سمائیں گے
کیپ ٹاؤن (ویب ڈیسک) جنوبی افریقہ کرکٹ ٹیم کے کپتان فاف ڈوپلیسی نے پاکستان کی ایک روزہ ٹیم کو اپنی ٹیم سے زیادہ مضبوط قرار دیتے ہوئے کہا ہے کہ ون ڈے سیریز ہمارے لئے بہت زبردست چیلنج ہو گا۔تفصیلات کے مطابق سینٹ جارج پارک میں ٹریننگ سیشن کے بعد فاف ڈوپلیسی کا کہنا تھا کہ ہم ایک ایسی ایک روزہ ٹیم ہیں جو ابھی تک اپنی ٹیم میں بیلنس
تلاش کر رہی ہے لیکن پاکستان کی ایک روزہ ٹیم ہم سے بہت مضبوط ہے۔انہوں نے کہا کہ پاکستان کے خلاف پہلے دو میچوں میں کوئنٹن ڈی کوک اور ڈیل سٹین کی غیر موجودگی کے باعث ہمارے پاس موقع ہے کہ ہم ان لوگوں کو پرکھیں جنہیں ہم ٹیم میں دیکھنا چاہتے ہیں۔ان کا کہنا تھا کہ اگر پرفارمنس کے اعتبار سے دیکھا جائے تو پاکستان کی ایک روزہ ٹیم ہم سے بہت مضبوط ہے اور یہ ہمارے لیے بہت زبردست چیلنج ہو گا۔پاکستانی کھلاڑی سپنرز کو بہت اچھا کھیلتے ہیں اس لئے یہ ہمارے سپنرز کیلئے چیلنج ہو گا۔پروٹیز کپتان نے مزید کہا کہ ہم بہت خوش نصیب ہیں کہ ہمارے پاس دو بہترین سپنرز موجود ہیں اور ہمارے پاس اپنے سپنرز کو ورلڈکپ کیلئے تیار کرنے کا بہترین موقع ہے۔ واضح رہے کہ پاکستان اور جنوبی افریقہ کے درمیان پانچ ایک روزہ میچوں کی سیریز کا پہلا میچ آج کھیلا جائے گا۔
