ڈونلڈٹرمپ امریکہ کی صدارت سے نا اہل قرار

واشنگٹن(آئی این پی )امریکی ریاست یوٹا سے سینیٹ کے رکن منتخب ہونے والے ریپبلکن رہنما مِٹ رومنی نے صدر ڈونلڈ ٹرمپ پر سخت تنقید کرتے ہوئے کہا ہے کہ ٹرمپ منصب صدارت کے لیے موزوں نہیں ہیں۔جمعرات کو بین الاقوامی خبر رساں ادارے کے مطابق انہوں نے کہا کہ وہ آئندہ صدارتی انتخابات میں صدر ٹرمپ کی حمایت کرنے پر بے یقینی کا شکار ہیں۔ان کا کہنا تھا کہ وہ آئندہ انتخابات

میں ٹرمپ کی بجائے متبادل رہنماں پر غور کریں گے۔ مِٹ رومنی نے سن 2012کے صدارتی انتخابات میں صدر براک اوباما کے خلاف ریپبلکن پارٹی کی نامزدگی حاصل کی تھی تاہم، انہیں ان انتخابات میں شکست ہوئی تھی۔ انہوں نے کہا کہ وہ آئندہ صدارتی انتخابات میں اپنے ضمیر کی آواز سنیں گے خواہ یہ ووٹ ٹرمپ اور ریپبلکن جماعت کے خلاف ہی کیوں نہ جاتا ہو۔