سابق رکن اسمبلی علی رضا عابدی جا ں بحق ہو گئے
کراچی (نیوز ڈیسک ) کراچی میں ایم کیو ایم کے سابق رکن اسمبلی علی رضا عابدی پر حملہ، شدید زخمی ہوگئے تھے ہسپتال منتقل کر نے کے بعد جا ں بحق ہو گئے ۔ تفصیلات کے مطابق کراچی کے علاقے ڈیفنس میں متحدہ قومی موومنٹ کے سابق رکن قومی اسمبلی علی رضا عابدی پر حملہ کیا گیا تھا۔ علی رضا عا بدی کے سر اور گر دن میں 2،2 گولیا ں لگیں تھیں حا
لت تشویشناک میں ہسپتال منتقل کیا گیا تھا علی رضا عابدی پر خیابان اتحاد کے علاقے میں ان کی رہائش گاہ کے باہر حملہ کیا۔ نامعلوم افراد کی جانب سے علی رضا عابدی پر ان کی رہائش گاہ کے باہر فائرنگ کی گئی جس کے نتیجے میں وہ شدید زخمی ہوگئے۔ حملے کے وقت علی رضا عابدی اپنی گاڑی میں موجود تھے جب ان پر فائرنگ کی گئی۔ حملہ آور فائرنگ کرنے کے بعد فوری فرار ہوگئے۔ علی رضا عابدی کو زخمی حالت میں فوری جناح ہسپتال منتقل کر دیا گیا ہے۔
