چیف جسٹس کی کارکردگی اچھی ہے یا نہیں سروے میںپاکستانی شہریوں کی رائے سامنے آگئی
لاہور(آ ئی این پی )پاکستانیوں کی اکثریت چیف جسٹس کی کارکردگی سے اطمنان کا اظہار کرتے ہوئے ان کی ملک کے لیے کاوشوں کو سراہا، 32 فیصد سے زائد پاکستانیوں نے چیف جسٹس کی کارکردگی کو بہترین، 25 فیصد نے اچھا، 11 فیصد عوام اس سے مطمئن نظر آئے، 13 فیصد ایسے بھی لوگ سامنے آئے جن کی نظر میں جسٹس میاں ثاقب نثار
کی کارکردگی خاطر خواہ نہیں رہے۔تفصیلات کے مطابق گیلپ اور گیلانی کی جانب سے چیف جسٹس کی کارکردگی کے حوالے سے عوامی سروے کا اہتمام کیا گیا جس میں کثیر تعداد نے حصہ لیا۔سروے میں حصہ لینے والے افراد میں سے 57 فیصد پاکستانیوں نے چیف جسٹس آف پاکستان کی گزشتہ ایک برس کی مجموعی کارکردگی کو سراہتے ہوئے ان کی ملک کے لیے کاوشوں کو سراہا۔گیلپ کی جانب سے جاری سروے رپورٹ کے مطابق 32 فیصد سے زائد پاکستانیوں نے چیف جسٹس کی کارکردگی کو بہترین جبکہ 25 فیصد نے اچھا قرار دیا جبکہ 11 فیصد عوام اس سے مطمئن نظر آئے۔دوسری جانب رائے عامہ کا حصہ بننے والے 14 فیصد پاکستانیوں نے ایک برس کی کارکردگی متاثر کن قرار نہیں دیا جبکہ 13 فیصد ایسے بھی لوگ سامنے آئے جن کی نظر میں جسٹس میاں ثاقب نثار کی کارکردگی خاطر خواہ نہیں رہے۔سروے میں حصہ لینے والے پانچ فیصد عوام ایسے بھی تھے جنہوں نے کوئی جواب نہیں دیا۔یاد رہے کہ چیف جسٹس آف پاکستان کی مدتِ ملازمت آئندہ برس ختم ہونے جارہی ہے، منصفِ اعلی کا عہدہ سنبھالنے کے بعد چیف جسٹس آف پاکستان نے بے باک فیصلے کیے جن کو عوامی سطح پر پذیرائی ملی۔جسٹس میاں ثاقب نثار نے عوامی مسائل کا بھی نوٹس لیا، موبائل کمپنیوں کی جانب سے ٹیکس کی کٹوتی ہو یا پھر نجی اسکولوں، کالجز یا اسپتالوں کی فیس چیف جسٹس نے سب کا فیصلہ سنایا۔
