حسن علی نے اوپننگ کروانے کا خیال برا نہیں:سرفراز احمد
ابوظہبی (نیوزڈیسک) قومی کرکٹ ٹیم کے کپتان سرفراز احمد کا کہنا ہے کہ حسن علی کی آج کی ہٹنگ کا مظاہرہ کرنے کے بعد انہیں فخر زمان کے ساتھ اوپننگ کرنے کے لیے بھیجنا کوئی برا فیصلہ نہیں ہوگا ۔ آسٹریلیا کے خلاف پہلے ٹی ٹونٹی میں کامیابی کے بعد گفتگو کرتے ہوئے سرفراز احمد کا کہنا تھا کہ ہمارا باﺅلنگ اٹیک اچھا ہے اس لیے ہم سکور بور ڈ
پر بڑا مجموعہ لگا کر اس کا دفاع کرنے کوترجیح دیتے ہیں،ہمارے پاس چند بلے بازہیں جو بڑی ہٹ مار سکتے ہیں اسی لیے انہوں نے کچھ کھلاڑیوں کو بیٹنگ آرڈر میں اوپنر بھیجا تھا تاہم بابر اعظم اور محمد حفیظ نے بھی بہترین کھیل کا مظاہرہ کیا ،ہم ہمیشہ باﺅلنگ کرتے ہوئے صرف وکٹیں لینے کا سوچتے ہیں اور عماد وسیم کا اس طرح ٹیم میں کم بیک کرنا اچھی خبر ہے ۔ ایک سوال کے جواب میں سرفراز احمد کا کہنا تھا کہ حسن علی کے آخری اوورز میں بنائے گئے15رنز دونوں ٹیموں میں واضح فرق ثابت ہوئے ،وہ جس طرح سے ہٹنگ کرتے ہیں اسے دیکھتے ہوئے انہیں فخر زمان کے ساتھ اوپننگ کروانا برا فیصلہ نہیں ہوگا ۔اس سے قبل ٹی ٹونٹی سیریز کے پہلے میچ میں پاکستان نے آسٹریلیا کو 6وکٹوں سے شکست دیدی ہے۔ابوظہبی کے شیخ زید سٹیڈیم میں کھیلے جارہے میچ میں آسٹریلیا کے ابتدائی دونوں کھلاڑی پہلے ہی اوور میں میدان چھوڑ گئے ،انہیں کئی ماہ بعد ٹیم میں واپسی کرنے والے عماد وسیم بولڈ کیا۔ مہمان ٹیم کی تیسری وکٹ گلین میکسویل کی گری ،فہیم اشرف نے انہیں 2 کے انفرادی سکور پر بولڈ کردیا۔آسٹریلیا کے بین ڈورمیٹ آﺅٹ ہونے والے چوتھے کھلاڑی
تھے ،وہ کھاتا کھولے بغیر ہی رن آﺅٹ ہوگئے۔ایلکس کیری ایک رن بنا کر عماد وسیم کی گیند پر پوویلین لوٹے جبکہ کرس لین کو 14رنز پر فہیم اشرف نے بولڈ کیا ۔ایشٹن ایگر19رنز سکو ر کرکے حسن علی کا شکار بنے جبکہ ایڈم زامپا کو 3رنز پر شاہین آفریدی نے اپنا شکار بنایا اور پھر اینڈریو ٹائی کو بولڈ کرکے اپنی دوسری وکٹ حاصل کی ۔ شاداب خان نے
کورٹنائل کو بولڈکیااور پوری آسٹریلیوی ٹیم محض89رنز پر پوویلین لوٹی۔پاکستان کے لیے عماد وسیم اور فہیم اشرف نے تین ،تین جبکہ شاہین آفریدی نے دو اور حسن علی اور شاداب خان نے ایک ،ایک وکٹ لی۔ اس سے قبل آسٹریلیا نے پاکستان کے خلاف پہلے ٹی 20 میں ٹاس جیت کر فیلڈنگ کا فیصلہ کیااورپاکستان کی جانب سے فخر زمان اور بابر اعظم نے اننگز کا آغاز کیا لیکن 32 کے مجوعی رنز پر فخرزمان اپنی وکٹ گنوا بیٹھے اور سٹین لیک کی گیند پر 14 رنز بناکر آﺅٹ ہوئے۔ فخر زمان کے آﺅٹ ہونے کے بعد محمد حفیظ اور بابر اعظم کے درمیان 73 رنز کی پارٹنر شب ہوئی تاہم 105 کے مجموعی سکور پر محمد حفیظ 39 رنز بناکر آﺅٹ ہوئے۔105 رنز پر دوسری وکٹ گرنے کے بعد 6 کھلاڑی صرف 28 رنز کا اضافہ کرسکے، حسین طلعت 9، آصف علی 2 اور شاداب خان ایک رنز جب کہ فہیم اشرف، کپتان سرفراز احمد اور عماد وسیم بغیر کوئی رنز بنائے آﺅٹ ہوئے۔نویں وکٹ کی شراکت میں بابر اعظم اور حسن علی نے جارحانہ کھیل پیش کیا اور حسن علی نے ایک چھکے اور 2 چوکوں کی مدد سے 17 رنز بناکر ناٹ آﺅٹ رہے۔بابر اعظم کی 68 رنز کی اننگز کی بدولت پاکستان نے آسٹریلوی ٹیم کو 156 رنز کا ہدف دیا۔آسٹریلیا کی جانب سے سٹین لیک اور ٹائی نے 3،3 کھلاڑیوں کو آﺅٹ کیا۔
