عمران خان کی چھوڑی ہوئی سیٹ این اے 53کا ضمنی الیکشن کون جیتا، پورے اسلام آباد میں جشن کا سماں

اسلام آباد (مانیٹرنگ ڈیسک)عمران خان کی چھوڑی ہوئی سیٹ حلقہ این اے 53پر بھی ضمنی الیکشن کے نتائج سامنے آگئے ہیں ۔ نجی ٹی وی چینل 24نیوز کی رپورٹ کے مطابق پاکستان تحریک انصاف یہاں پر بھی دوبارہ کامیابی حاصل کرنے میں کامیاب ہو گئی ہے ۔ پی ٹی آئی کے امیدوا ر نوازاعوان نے این اے 53ضمنی الیکشن میں 56664ووٹ لے کر میدان مارلیا ہے۔ جبکہ مسلم لیگ (ن) کے رہنما راجہ وقار 32171ووٹ لے کر دوسرے نمبر پر آئے ہیں۔ قومی اور صوبائی اسمبلیوں کے 35حلقوں پر آ ج ہوئے ضمنی الیکشن کے نتائج آنے کا سلسلہ جاری ہے۔ضمنی الیکشن میں بھی پاکستان تحریک انصاف اور مسلم لیگ (ن) ہی دو بڑی جماعتیں آپس میں بد مقابل ہیں جبکہ کراچی کے حلقوں میں ایم کیو ایم کے امیدوار بھی ضمنی الیکشن میں میدان میں اترے ہیں ۔ تمام دن پولنگ کا سلسلہ جاری رہا ۔ اس موقع پر سکیورٹی کے انتہائی سخت انتظامات کیے گئے تھے۔ جبکہ ووٹروں کی ایک بڑی تعداد اپنا حق رائے دہی استعمال کرنے کےلئے گھروں سے نکلی