لاہور (ویب ڈیسک) محمد بن بختیار خلجی کا شائد آپ نے نام بھی نہ سنا ہو۔ چونکہ یہ ایک معمولی سا شخص تھا اس لئے تاریخ میں اس کی سنہ پیدائش نہیں لکھا ہوا۔ یہ بارہویں صدی کا عام سا آدمی تھا جس نے فوج میں بھرتی ہونے کی کافی کوشش کی لیکن ناکام رہا۔پھر اس نے ایک ایسا کارنامہ سرانجام دیا کہ اسے سلطان وقت نے اس پورے علاقے کا حاکم بنا دیا۔ محمد

بن بختیار خلجی کے کارنامے افسانوں سے بھی زیادہ عجیب ہیں۔ آئیے اپنے دلچسپ معلومات پیج کے دوستوں کو اس عام سے آدمی کے بارے میں کچھ معلومات دیتے ہیں۔ یہ ایک معمولی آدمی تھا۔ پہلے اْس نے غزنی میں سپاہی بھرتی ہونے کی کوشش کی ، مگر کامیاب نہ ہوا۔ پھر دہلی پہنچا۔ یہاں بھی اسے کوئی جگہ نہ مل سکی تو بدایوں کی طرف چلا گیا اسلامی حکومت کی مشرقی سرحد پر تھوڑی سی زمین مل گئی اور اْس نے اپنے طور پر کچھ سوار بھرتی کر لیے۔1197ء میں دو سواروں کو لے کر اس علاقہ میں لوگوں کو ڈرا کر کہنے لگا “میں اس علاقے کا حاکم بنایا گیا ہوں میری اطاعت کرو میرے ساتھ بہت بڑی فوج بھی ہے” اس طرح اس نے وہاں کے مقامی لوگوں کو بھرتی کرکے تھوڑے ہی دنوں میں پورے علاقے پر قبضہ جما لیا۔ قطب الدین اْس زمانے میں بادشاہ نہ تھا بلکہ سلطان محمود غوری کی جانب سے نائب السطنت تھا۔اْسے محمد بن بختیار کے اس کارنامے کا علم ہوا تو اعلٰی درجے کا خلعت عطاکیا اور اْس کو فتح کیا ہوئے علاقے کا حاکم بنا دیا۔ اب محمد بن بختیار کو اپنی مردانگی کے جوہر دکھانے کا پورا موقع مل گیا اس نے ایک فوج تیار کی اور بنگال کے راجا رائے لکشمن سین

کی راج دہانی ندیا کا رْخ کیا۔اس کی شہرت پہلے ہی دوردور پھیلی ہوئی تھی۔ نِکلا تو اس تیزی سے نکلا کے ساری فوج پیچھے رہ گئی۔ صرف اٹھارہ آدمی ساتھ تھے۔ اسی طرح وہ شہر میں راجا کے قلعے کے دروازے پر پہنچ گیا۔پہنچتے ہی پہرہ داروں پر حملہ کر دیا۔اور فوج کا انتظارنہ کیا ، اسے یقین تھا کہ ساتھیوں کی تھوڑی تعداد کا خیال کوئی نہ کرے گا سب یہی سمجھیں گے کہ بہت بڑی فوج لے کر آیا ہے بیباکانہ لڑ رہا ہے اس کا یہ خیال بالکل دْرست نکلا۔راجا اْس وقت کھانا کھا رہا تھا۔ باہر سے لوگوں کی چیخ و پکار کان تک پہنچی تو حواس باختہ ہو گیا اور ننگے پاؤں بھاگا اور سْنار گاؤں میں پہنچ کر دم لیا جو کسی زمانے میں ایک بڑا شہر ہوا کرتاتھا اور اب بھی خاصہ مشہور ہے۔ ڈھاکہ سے کوئی تیرہ کلو میٹر کے فاصلے پر ہوگا۔ پہلے قدم پر شکست کے بعد راجا کہ لیے کہیں جم کر لڑنے میں کیا صورت تھی۔ تھوڑے ہی دنوں میں محمد بن بختیار بہار کی طرح پورے بنگال پر قابض ہوگیا اور اپنے کارناموں کی ایسی یادگار چھوڑگیا جو بڑے آدمیوں میں سے بہت تھوڑے انجام دے سکے ہیں۔محمد بن بختیار خلجی کا انتقال 1206ء میں ہوا۔