لاہور(مانیٹرنگ ڈیسک) مسلم لیگ (ن) کے رہنما رانا مشہود احمد خاں نے”یوٹرن ”لیتے ہوئے کہا ہے کہ پنجاب میں حکومت بنانے سے متعلق بیان میری ذاتی رائے تھی۔ہم نے کبھی ڈیل کی اور نہ کسی کو کرنے دیں گے’ میرا انٹرویو سیاق و سباق سے ہٹ کر چلایا گیا اس میں کہیں ڈیل کا لفظ نہیں تھا۔پنجاب اسمبلی کے احاطہ میں میڈیا سے گفتگو کرتے ہوئے رانا مشہود نے اپنے گزشتہ روز کے بیان پر وضاحت دیتے ہوئے کہا کہ میں جمہوریت پر یقین رکھنے والا سیاسی کارکن ہوں، جب بھی اسٹیبلشمنٹ کی بات کرتا ہوں
اس میں فوج کا کہیں نام نہیں لیا۔انہوں نے وفاقی وزیراطلاعات پر تنقید کرتے ہوئے کہا کہ فواد چوہدری ہر حکومت کا بغل بچہ ہوتا ہے، ان کا دو دن پہلے بیان تھا عدلیہ اور فوج ہمارے پیچھے کھڑی ہے۔انہوں نے کہا کہ یہ فوج پاکستان کی ہے، اس پر ہم سب کا حق ہے، میرا انٹرویو سیاق و سباق سے ہٹ کر چلایا گیا، انٹرویو میں کہیں ڈیل کا لفظ نہیں تھا، ہر جگہ ہر بار کہا یہ میری ذاتی رائے ہے۔وہ باتیں نہیں کیں جو نشر کی گئیں۔