لاہور (نیوزڈیسک) پاکستان کرکٹ ٹیم کے سابق آل راو¿نڈر عبدالرزاق پاکستان سپر لیگ (پی ایس ایل) فرنچائز لاہور قلندرز کا حصہ بن گئے ہیں جو آئندہ ماہ ابوظہبی میں ہونے والے ٹی 20ٹورنامنٹ میں لاہور قلندرز کی نمائندگی کریں گے۔ابوظہبی ٹی 20 ٹورنامنٹ 4 سے 6 اکتوبر تک شیخ زید سٹیڈیم میں کھیلا جائے گا جس میں لاہور قلندرز سمیت دنیا بھر کی ٹاپ ٹی

20 ٹیمیں شریک ہوں گی۔ہر ٹیم میں 4 انٹرنیشنل کھلاڑیوں کی شرکت لازمی ہے، عبدالرزاق بطور انٹرنیشنل پلیئرلاہور قلندرز کا حصہ بنے ہیں۔عبدالرزاق کا کہنا ہے کہ وہ ابوظہبی ٹی 20 کیلئے لاہور قلندرز کا حصہ بننے پر کافی خوش ہیں۔قبل ازیں لاہور قلندرز نے جارح مزاج بلے باز عمران نذیر کو بھی اس ٹورنامنٹ کیلئے سائن کیا ہے جس پر مداح بے صبری سے ٹورنامنٹ کا انتظار کر رہے ہیں۔