اسلام آباد (مانیٹرنگ ڈیسک)ڈیموں کےلئے چیف جسٹس کی جانب سے قائم کیے گئے فنڈز میں خطیر رقوم جمع کرائے جانے کاسلسلہ جاری ہے۔اب ایک دفعہ پھر ایک مخیر شخصیت کی جانب سے فنڈز میں بڑی رقم جمع کرادی گئی ہے۔ دبئی میں موجود قاضی انوسٹمنٹ نامی ایک کمپنی نے ایک لاکھ پاؤنڈ ڈیمز فنڈ میں دینے کا اعلان کیا ہے۔ قاضی انوسٹمنٹ کے پارٹنر فرقان یاسین نے کہا کہ اس کار خیر میں ہمارا یہ حصہ ہے اور ہم نے کوشش کی ہے
کہ ہم اس کار خیر میں ممکنہ حد تک مدد کریں۔ انہوں نے کہا کہ ہم کمپنی کے منافع میں سے 0.25 فیصد رقم ڈیمز فنڈ میں عطیہ کر رہے ہیں جو قریباً تین ماہ میں ایک لاکھ پاؤنڈ بنتا ہے۔واضح رہے کہ عمران خان کی جانب سے ڈیموں میں رقوم جمع کرائے جانے کی اپیل کے بعد یہ سلسلہ خاصا تیز ہو گیا ہے۔