ڈھاکہم(انیٹرنگ ڈیسک)مالدیپ نے 12ویں ساف کپ کا ٹائٹل جیت لیا، فاتح ٹیم نے بھارت کو فیصلہ کن معرکے میں 2-1گولز سے شکست دے کر دوسری مرتبہ ٹائٹل جیتنے کا اعزاز حاصل کیا، مالدیپ نے اس سے قبل 2008 میں ٹائٹل اپنے نام کیا تھا۔بنگلہ دیش میں منعقدہ ایونٹ میں کھیلے گئے فائنل میں مالدیپ نے شاندار کھیل پیش کرتے ہوئے بھارت کو 1 کے مقابلے میں 2 گولز سے ہرا کر ٹائٹل جیتنے کا اعزاز حاصل کیا، میچ کے 19ویں منٹ میں مالدیپ کے ابراہیم حسین نے گول کر کے ٹیم
کو برتری دلائی جو پہلے ہاف کے اختتام تک برقرار رہی، دوسرے ہاف کے 66ویں منٹس میں مالدیپ کے علی فصیر نے گول کر کے ٹیم کی برتری دوگنی کر دی، بھارت کے سومیت پاسی نے 90 پلس منٹ میں گول کر کے مقابلہ 2-1 گولز کر دیا لیکن بھارتی ٹیم سرتوڑ کوشش کے باوجود مالدیپ کی برتری ختم نہ کر سکی، اسطرح مالدیپ نے بھارت کو 2-1 گولز سے ہرا کر ٹائٹل اپنے نام کر لیا۔