پی ٹی آئی کے نامور امیدوار برائے اسمبلی کی گاڑی کے قریب خوفناک دھماکہ، پوری پارٹی سوگ میں ڈوب گئی ۔۔۔۔ڈیرہ اسماعیل (مانیٹرنگ ڈیسک) سابق صوبائی وزیر سردار اکرام خان گنڈا پور کی گاڑی کے قریب دھماکہ ہوا ہے۔نجی ٹی وی سماءکے مطابق انتخابی مہم کے دوران سابق صوبائی وزیر سردار اکرام
خان گنڈا پور کی گاڑی کے قریب دھماکہ ہوا ہے جس کے نتیجے میں سابق صوبائی وزیر اور ان کا ڈرائیور زخمی ہوئے ہیں۔ زخمیوں کو طبی امداد کیلئے ہسپتال منتقل کردیا گیا ہے جبکہ پولیس نے دھماکے کی تحقیقات شروع کردی ہیں۔ ابتدائی طور پر دھماکے کی نوعیت کے بارے میں کچھ پتا نہیں چل سکا۔واضح رہے کہ سردار اکرام اللہ خان گنڈا پور گزشتہ الیکشن میں پی ٹی آئی کے ٹکٹ پر ایم پی اے منتخب ہوئے تھے۔ وہ 2014 سے حکومت کے خاتمے تک پرویز خٹک کی کابینہ میں بطور صوبائی وزیر زراعت اپنی خدمات سرانجام دیتے رہے ہیں۔ حالیہ الیکشن میں بھی وہ پی ٹی آئی کی
جانب سے صوبائی اسمبلی کا انتخاب لڑ رہے ہیں۔ وہ ڈیرہ اسماعیل خان کے حلقہ گولاچی پی کے 99 سے امیدوار ہیں۔
