اسلام آباد (مانیٹرنگ ڈیسک) ایون فیلڈ ریفرنس میں نیب عدالت کی جانب سے سزا سنائے جانے کے بعد سابق وزیراعظم نوازشریف کی صاحبزادی مریم نوا زکا سماجی رابطوں کی ویب سائٹ ٹوئٹر پر مسلم لیگ (ن) کے مرکزی رہنمائوں اور کارکنوں کے نام اہم پیغام جاری ہو گیا ہے۔ اپنے پیغام میں مریم نواز نے ٹوئیٹ میں شہبازشریف کی افسردہ تصاویر پر مبنی سکرین شاٹ شیئرکرتے ہوئے ٹی وی چینلز کو مخاطب کرتے ہوئے کہاکہ’ کوئی چینل سرجھکی اور پریشان دکھانے والی مضحکہ خیز تصاویر مت دکھائے، نواز شریف اور میں نہ ہی پریشان ہیں نہ فکرمند، اللہ پر بھروسہ
رکھتے ہیں‘ واضح رہے کہ نیب عدالت نے مریم نواز کو ایون فیلڈ ریفرنس میں 7سال قید بامشقت اور 20لاکھ پائونڈز جرمانے کی سزا سنا ئی ہے ۔ جبکہ ان کے والد سابق وزیر اعظم میاں نوازشریف کو ایون فیلڈ ریفرنس کے فیصلے کے تحت 10سال قید اور 8ملین پائونڈز کی سزا سنائی گئی ہے ۔ جبکہ دونوں کی برطانیہ میں موجود پراپرٹی کو بھی ضبط کرنےکا حکم دے دیا گیا
