لاہور (مانیٹرنگ ڈیسک) ایک بار پھر دنیا بھر کے کئی ممالک کی جامعات کی کاردگی کا تقابلی جائزہ پیش کر دیا گیا ہے جس میں پاکستان کی بھی یونیورسٹیوں کانام شامل کیا گیا ہے ۔ ٹائمز ہائر ایجوکیشن نے ابھرتی ہوئی معیشت قرار دیئے جانے والے 50ممالک کی یونیورسٹیوں کی رینکنگ (Emerging Economies University Rankings 2018)

جاری کر دی،جی سی یونیورسٹی لاہور سمیت پاکستان کی 10درسگاہیں ایشیا ء کی بہترین یونیورسٹیوں میں شامل۔ٹائمز ہائر ایجوکیشن کی جانب سے دوسری مرتبہ جی سی یونیورسٹی کو عالمی رینکنگ میں شامل کیا گیاہےجس کی وجہ یونیورسٹی کے تحقیقی مقالوں اور پی ایچ ڈی فیکلٹی میں اضافہ ہے۔ قبل ازیں جی سی یونیورسٹی لاہور کو ایشیا کی بہترین چارسو یونیورسٹیوں میں شامل کیا گیاتھا۔ابھرتی معیشیت قرار دیئے جانے والے 50ممالک کی یونیورسٹیوں میں جی سی یو نیورسٹی لاہورکی رینکنگ 351+ہے،جبکہ قائدِ اعظم یونیورسٹی سمیت پاکستان کی 10یونیورسٹیاں اس رینکنگ میں شامل ہیں۔جی سی یونیورسٹی کو سب سے زیادہ پوائنٹس انٹر نیشنل آؤٹ لک کے ملے ہیں۔اس حوالے سے گفتگو کرتے ہوئے وائس چانسلر پروفیسر ڈاکٹر حسن امیر شاہ کا کہنا ہے کہ انہیں امید ہے کہ 2019ء میں جی سی یو کی رینکنگ مزید بہتر ہوگی۔ہمارے لیئے سب سے بڑا چیلنج یہ ہے کہ ہم اپنے فیس سٹرکچر میں اضافہ کیئے بغیر اپنے معیار کو بہتر بنا رہے ہیں۔حکومت سے درخواست ہے کہ وہ یونیورسٹی کو فنڈ فراہم کرے تاکہ یہ تاریخی ادارہ عالمی سطح پربھی ملک کا نام روشن کر سکے۔