لاہور : چار ماہ سے لاپتہ معروف صحافی عمران ریاض گھر پہنچ گئے۔سیالکوٹ پولیس اور وکیل میاں علی اشفاق نے عمران ریاض کے بخریت ہونے کی تصدیق کر دی۔سیالکوٹ پولیس کی جانب سے سوشل میڈیا پر دعویٰ کیا گیا کہ اینکر عمران ریاض خان صاحب بازیاب ہو چکے ہیں۔ وہ اپنے گھر پہنچ چکے ہیں اور اپنے اہلخانہ کے ساتھ موجود ہیں۔ اب عمران ریاض کی ایک تصویر بھی سامنے آئی ہے جو ان کے وکیل کی جانب سے شئیر کی گئی۔میاں علی اشفاق نے سماجی رابطے کی ویب سائٹ ٹویٹر پر عمران ریاض کے ہمراہ تصویر شئیر کرتے ہوئے کہا

کہ اس کا مجھ پر پمیشہ کے لئے حق اور میرے حصے کی ذمہ داریاں ختم نہ ہوں گی- اسکے ساتھ تھا، ہوں اور رہتی دنیا تک رہوں گا-انہوں نے مزید کہا کہ آپ سب بھی شہزادے کو دیکھ لیں خیال رہے کہ لاہور ہائیکورٹ نے صحافی عمران ریاض کی بازیابی کے لیے آئی جی پنجاب کو آخری موقع دیتے قرار دیا تھا کہ اگر عمران ریاض کو اس روز بازیاب کرا کے پیش نہیں کیاجاتا تو عدالت خود کوئی فیصلہ کرے گی۔

اسکا مجھ پر ھمیشہ کے لئے حق اور میرے حصے کی ذمہ داریاں ختم نہ ھوں گی-

اسکے ساتھ تھا، ھوں اور رھتی دنیا تک رھوں گا- انشاء اللہ

آپ سب بھی شہزادے کو دیکھ لیں-

اللہ کریم ھے- اللہ رحیم ھے- اللہ بے نیاز ھے-

پاکستان زندہ باد- 🇵🇰 pic.twitter.com/fRJXdUKJkm

— Mian Ali Ashfaq (@MianAliAshfaq) September 25, 2023