ملتان: سابق وزیراعظم وچیئرمین پی ٹی آئی عمران خان کی اہلیہ بشریٰ بی بی کے سابق شوہر خاور مانیکا کو لاہور ائیرپورٹ سے گرفتار کرلیا ۔ خاور مانیکا کو بیرون ملک جانے کی کوشش میں گرفتار کیا گیا۔ ذرا ئع کے مطابق خاور مانیکا نجی ایئر لائن سے دبئی جارہے تھے، ایف آئی اے امیگریشن کے مطابق علامہ اقبال انٹرنیشنل ایئر پورٹ پر ایگزٹ کنٹرول لسٹ میں شامل ہونے پرخاور مانیکا کو روکا گیا ہے۔ایف آئی اے ترجمان کے مطابق خاور مانیکا کیخلاف اینٹی کرپشن میں مقدمہ درج ہے، خاور مانیکا کو اینٹی کرپشن کے حوالے کر دیا۔ ذرائع نے بتایا کہ خاور مانیکا سرکاری ملازم ہیں اور باہر جانے کا این او سی بھی ان کے پاس موجود تھا تاہم سٹاپ لسٹ میں نام ہونے کی وجہ سے انہیں روک لیا گیا۔
