اسلام آباد : انوار الحق کاکڑ نے نگران وزیراعظم کے عہدے کا حلف اٹھا لیا ہے جس کے بعد اب کابینہ کے ممبران سے متعلق مشاورت کا عمل شروع ہو چکا ہے ، اس حوالے سے میڈیا پر یہ دعویٰ سامنے آیا کہ سینئر صحافی حامد میر اور سلیم صافی کو بھی وزارت دیئے جانے کا امکان ہے لیکن حامد میر نے کسی بھی قسم کا عہدہ لینے پر عد م دلچسپی کا اظہار کر دیاہے ۔ تفصیلات کے مطابق سینئر صحافی حامد میر نے بطور وزیر نام زیر غور آنے کے معاملے پر ٹویٹر پر موقف دیتے ہوئے کہا کہ ” میں پہلے ہی واضح کر چکاہوں کہ میں نگران حکومت میں کسی قسم کا بھی عہدہ لینے میں دلچسپی نہیں رکھتا ،میں اپنے میڈیا میں کام کرنے والے ساتھیوں سے عاجزانہ درخواست کرتاہوں کہ مہربانی فرما کر اس طرح کی خبروں میں میرا نام شامل نہ کریں “۔

یاد رہے کہ کچھ دیر قبل نجی ٹی وی دنیا نیوز نے دعویٰ کیا تھا کہ نگران کابینہ کیلئے سینئر صحافی حامد میر، سلیم صافی، جگنو محسن، جلیل عباس جیلانی اور کرکٹر شاہد آفریدی کے نام پر غور کیا جارہا ہے،اس کے علاوہ فیصل واوڈا، میجر (ر)خرم حمید روکھڑی، صداقت علی، احد چیمہ، مشتاق سکھیرا، محمد علی درانی کے نام بھی زیرغورہیں۔ نگران کابینہ کیلئے حفیظ شیخ ، گوہر اعجاز، ڈاکٹر شعیب سڈل، احسن بھون، ذوالفقار چیمہ، شمشاداختر اور سرفراز بگٹی کے نام پر بھی غور کیا جارہا ہے، نگران کابینہ کیلئے عائشہ رضافاروق، بریگیڈیئر(ر)مظفر رانجھا،ستارہ ایاز،ذوالفقار چیمہ، رضا باقر اور اشتراوصاف کے نام بھی زیرغور ہیں۔

I have already clarified that I am not interested in any caretaker ministry. I humbly request media colleagues that please don’t include my name in these kind of stories. https://t.co/fGXxft5UrS

— Hamid Mir حامد میر (@HamidMirPAK) August 15, 2023