اسلام آباد: پاکستان پیپلز پارٹی کے سینئر رہنماء و ماہرقانون اعتزاز احسن نے کہا ہے کہ لیگی رہنماء جاوید لطیف توعمران خان کومذہبی کارڈ استعمال کرکے قتل کرانا چاہتا ہے، میں عمران خان کا ساتھی نہیں ہوں لیکن مذہب کارڈ کے خلاف ہوں،جاوید لطیف،راناثنااللہ مریم نواز کی زبان بولتے ہیں، (ن) لیگ کی بی ٹیم کا کام صرف انتشار پھیلانا ہے۔ نجی ٹی وی سے گفتگو کرتے ہوئے اعتزاز احسن نے کہا کہ مذہبی کارڈ کا استعمال کیا جا رہا ہے جو بہت زیادہ سنگین ہے، میری پارٹی کے رہنماء کہتے ہیں اعتزازاحسن آپ عمران خان کا ساتھ دیتے ہیں۔ انہوں نے کہا کہ جاوید لطیف کی جانب سے مذہبی کارڈکااستعمال کیاجانادرست نہیں ہے، عمران خان ہر تقریر میں کہتے ہیں لاالہ الاللہ کے ذریعے انسان کو آزاد کرانا چاہتا ہوں۔
انہوں نے کہاکہ جاوید لطیف تو عمران خان کو مذہبی کارڈ استعمال کرکے قتل کرانا چاہتا ہے، میں عمران خان کا ساتھی نہیں ہوں لیکن مذہب کارڈ کے خلاف ہوں، مذہبی کارڈ کے استعمال کی کبھی حمایت نہیں کی نہ کروں گا۔ (ن) لیگی رہنماؤں کے حوالے سے انہوں نے کہا کہ جاوید لطیف اور راناثنااللہ تو مریم نواز کے ترجمان ہیں ان کی زبان بولتے ہیں، یہ کیسے مذہب میں گستاخی ہے؟ کہ ایک شخص کہتا ہے لاالہ الاللہ ذہنوں میں ڈالوں گا، وہ شخص کہتا ہے اس کلمے کے ذریعے عوام کو برائی سے نجات دلواں گا۔
