چٹا گانگ (مانیٹرنگ ڈیسک) مرد کرکٹرز کے کئی طرح کے سکینڈلز کی خبریں توآئے روز آتی ہی رہتی ہیں لیکن اب ایک 23سالہ خاتون کرکٹر کی ایسی شرمناک رپورٹ منظر عام پر آگئی ہے کہ سننے والوں کے چودہ طبق روشن ہو جائیں گے ۔ بنگلہ دیش سے تعلق رکھنے والی ایک 23سالہ کرکٹر منشیات کی بھاری تعداد رکھنے کے جرم میں گرفتار ہو گئی ہے ۔

بنگلا دیشی پولیس نے بھاری مقدار میں نشہ آور ادویات کی سمگلنگ پر 23 سالہ خاتون کرکٹر نازنین خان مکتا کو گرفتار کر لیا۔میڈ یا رپورٹس کے مطابق انسپکٹر پرنب چودھری نے بتایا کہ خفیہ اطلاع ملنے پر کاکس بازار سے آنے والی گرین لائن بس کو روکا گیا جس میں سوار ڈھاکا پریمیئر لیگ میں فرسٹ گریڈ کرکٹ کھیلنے والی نازنین خان کے بیگ کی تلاشی لی گئی تو چودہ ہزار نشہ آور گولیاں برآمد ہوئیں۔ ملزمہ کوعمر قید کی سزا بھی دی جا سکتی ہے۔