ٹوکیو : پاکستان کے حیدر علی نے ٹوکیو پیرالمپکس میں تاریخ رقم کرتے ہوئے گولڈ میڈل جیتنے والے پہلے پاکستانی ایتھلیٹ ہونے کا اعزاز اپنے نام کرلیا۔ حیدر علی نے ٹوکیو پیرالمپکس میں مردوں کے ڈسکس تھرو مقابلے میں شرکت کی، حیدرعلی نے 5ویں باری میں 55 اعشاریہ 26 میٹر کی کامیاب تھرو کرکے ڈسکس تھرو مقابلوں میں گولڈ میڈل جیتا۔ حیدر علی پیرالمپکس میں گولڈ میڈل جیتنے والے پہلے پاکستانی ہیں، انہوں نے اس سے قبل بھی پاکستان کیلئے 2 پیرالمپکس میڈل جیتے تھے ۔حیدر علی 2008ء میں لانگ جمپ میں چاندی جب کہ 2016ء کے پیرالمپکس میں لانگ جمپ میں ہی کانسی کا تمغہ حاصل کر چکے ہیں۔ گوجرانوالہ سے تعلق رکھنے والے حیدر علی کی دائیں ٹانگ پیدائشی طور پر بائیں ٹانگ سے دو انچ پتلی اور ایک انچ چھوٹی ہے ، اپنے اس نقص کے ساتھ بھی وہ پاکستان کا نام عالمی سطح پر روشن کرتے دکھائی دیتے ہیں۔
ایک اور حادثہ ، کراچی سے پنجاب آنے والی ٹرین کی 5 بوگیاں پٹری سے اتر گئیں
پنجاب میں کورونا کی صورتحال تشویشناک، تمام سرکاری و نجی اسکولز بند کرنے کا فیصلہ
دوسری جانب ٹوکیو میں جاری پیرا لمپکس میں پاکستان کی انیلہ عزت بیگ جیولین تھرو کے فائنل راؤنڈ کے لیے کوالیفائی نہ کر سکیں، انیلہ نے 19.8 میٹر دور جیولین پھینک کر ابتدائی 10 ایتھلیٹس میں جگہ بنائی تھی لیکن فائنل راؤنڈ کے لیے 10 میں سے 8 کھلاڑیوں نے کوالیفائی کیا۔
It's #Gold for #PAK ! F37 discus thrower Haider Ali wins his country's first medal of the Games!
His throw of 55.26m is a personal best and almost three metres longer than second place! #Tokyo2020 #Paralympics #ParaAthletics
— Discover Pakistan 🇵🇰 | پاکستان (@PakistanNature) September 3, 2021
