کراچی(مانیٹرنگ ڈیسک) معروف اداکار فواد خان کی اہلیہ صدف فواد فیشن ڈیزائنر ہیں اور ان کے ملبوسات کی ماڈلنگ خود فواد خان بھی کرتے ہیں۔ گزشتہ دنوں سوشل میڈیا پر ایک صارف نے صدف فواد سے پوچھ لیا کہ فواد خان ان کے برانڈ کی ماڈلنگ کے عوض ان سے پیسے وصول کرتے ہیں؟ اس پر صدف فواد نے جو جواب دیا، وہ سوشل میڈیا پر تیزی سے وائرل ہو رہا ہے۔ بول نیوز کے مطابق اس صارف نے صدف فواد سے پوچھا کہ ”میں آپ سے ایک دلچسپ سوال پوچھنا چاہتا ہوں۔کیا آپ فواد خان کو اپنے برانڈ کی ماڈلنگ کے عوض پیسے دیتی ہیں؟“ اس پر صدف فواد نے کہا کہ ”ہاں میں انہیں پیسے دیتی ہوں، عزت و احترام کے ساتھ۔“ رپورٹ کے مطابق کام کے حوالے سے بات کی جائے تو فواد خان کے متعلق ایک خبر گردش میں ہے کہ وہ طویل عرصے بعد ایک ڈرامہ سیریل میں جلوہ گر ہونے جا رہے ہیں۔ اس ڈرامے کا نام ’جو بچے ہیں سنگ سمیٹ لو‘ ہے، جس کی کہانی معروف ناول نگار فرحت اشتیاق نے لکھی ہے۔

اگر فوج نے الیکشن میں مداخلت کی ہے تو آپ کیسے جیتے، آپ الیکشن جیت کر آئے ہیں لہذا آپ کی بات سننے کو تیار ہیں، محسن داوڑ آپ مجھ سے علیحدگی میں بھی ملیں