اسلام آباد: پیپلزپارٹی کے رہنما سردار نبیل گبول نےکہاہےکہ شہبازشریف بدھ کو (کل) اسمبلی نہیں آئے تو ن لیگ اور پیپلز پارٹی کی کھلی جنگ ہو گی، اگر کھلی جنگ ہوئی تو پھر ’باپ‘ کو بھی ’باپ‘ بنانا پڑا تو بنائیں گے۔ نجی ٹی وی پروگرام میں گفتگو کرتے ہوئے سردار نبیل گبول نے کہا کہ بجٹ اجلاس میں اپوزیشن لیڈر نہ ہو ایسا کبھی نہیں ہوا ،نوٹس کی بات کرناکوئی عذر نہیں، حکومت کیساتھ ساتھ اپوزیشن سے بھی عوام ناراض ہیں، اپوزیشن لیڈراس لیے نہیں آئیں گے کہ مجھے گرفتار کر لیا جائے گا۔ سردار نبیل گبول نے کہا کہ ایک بھائی لندن میں بیٹھاہے، کہتاہے بیمارہوں پاکستان نہیں آؤں گا ،دوسرابھائی پاکستان میں موجود ہے اوراسمبلی نہیں آتا ،ایسا ہوتا رہاتو پھر عوام حکومت کیساتھ اپوزیشن کوبھی جوتے مارے گی، شہبازشریف اسمبلی نہیں آئے تو پھرکچھ بھی
ہوسکتاہے۔
