کراچی : رمضان المبارک میں نشر ہونے والے خصوصی ڈراما سیریل ‘ چپکے چپکے’ کے بعد پاکستان کی معروف اداکارہ عائزہ خان کی مقبولیت میں مزید اضافہ ہوا ہے۔اب عائزہ خان نے اپنے مداحوں کو بتایا ہے کہ وہ جلد ایک ڈرامے میں نئے کردار میں نظر آئیں گی جو یقینی طور پر سب کو پسند آئے گا۔ حال ہی میں عائزہ خان نے انسٹاگرام پر لائیو سیشن کے دوران ’چپکے چپکے‘میں ’مینو‘ کے کردار کو پسند کرنے پر مداحوں کا شکریہ ادا کیا تھا۔اسی لائیو سیشن کے دوران عائزہ خان نے بتایا تھا کہ وہ جلد نجی چینل ’ہم ٹی وی‘ کے نئے ڈراما سیریل میں نظر آئیں گی۔انہوں نے کہا کہ میں آئندہ ماہ نئے ڈراما سیریل لاپتا کی شوٹنگ شروع کروں گی جو ہم ٹی وی کی پروڈکشن ہے ’لاپتا‘ ڈرامے کی کاسٹ میں شامل دیگر اداکاروں کے ناموں کی بھی تصدیق کرتے ہوئےانہوں نے بتایا کہ ڈرامے میں سارہ خان، علی رحمن خان، گوہر رشید، اسما عباس اور دیگر شامل ہیں۔عائزہ خان نے بتایا کہ ڈرامے میں میرا ایک حیرت انگیز کردار ہے اور میرا خیال ہے کہ آپ لوگوں نے اس سے قبل مجھے ایسے کردار میں نہیں دیکھا ہوگا۔
