کراچی : نوجوان جب اپنے پسندیدہ اداکاروں کو اپنے درمیان دیکھتے ہیں تو بہت خوش ہوتے ہیں اور جب جبھی روٹین سے ہٹ کر ان کے سپر اسٹارز کی کوئی ویڈیو سامنے آتی ہے تو اسے بھی خوب پسند کیا جاتا ہے۔یہی وجہ ہے کہ اقرا اور یاسر کی تازہ ترین ویڈیو سوشل میڈیا پر خوب وائرل ہو رہی ہے۔اداکار یاسر حسین اپنی اہلیہ و اداکارہ اقرا عزیز کے ساتھ اسکوٹی کی سیر پر نکل گئے۔ یاسر حسین نے اپنے انسٹاگرام اکاؤنٹ سے ایک ویڈیو شیئر کی ہے جس میں وہ اہلیہ کے ساتھ اسکوٹی کی سیر سے لطف اندوز ہورہے ہیں۔
ویڈیو کے کیپشن میں انہوں نے لکھا کہ بیگم کے ساتھ بے غم ہوکر اسکوٹی پر گھومنے کا اپنا مزہ ہے۔انہوں نے اہلیہ کو ٹیگ کرتے ہوئے لکھا کہ کچھ بھی کہتی رہے آواز نہیں آتی۔ یاسر حسین شاہ نے اپنے انسٹا گرام اکاؤنٹ پر دو تصاویر شیئر کی ہیں جس میں دیکھا جا سکتا ہے کہ وہ سیاہ رنگ کے لباس میں ملبوس ہیں اور انہوں نے کتھئی رنگ کی شال بھی لپیٹی ہوئی ہے۔ یاد رہے کہ دسمبر 2019میں ہوئی تھی۔یاسر حسین اور اقرا عزیز کی شادی جہاں ان کے مداحوں کے لیے خوشگوار حیرت کا باعث بنی تھی وہیں دونوں کی عمر کو لے کر سوشل میڈیا پر کافی تنقید بھی کی گئی تھی۔ لوگوں کا خیال ہے کہ یاسر حسین اقرا عزیز سے عمر میں کافی بڑے ہیں اور عمر کے اس فرق کو لے کر دونوں کو آج تک ٹرول کیا جاتا ہے۔
لوگ آج بھی جاننے کے لیے بے تاب ہیں کہ اقرا عزیز، یاسر حسین سے عمر میں کتنی چھوٹی ہیں۔ تاہم اقرا اور یاسر دونوں نے ہی اس بارے میں خاموشی اختیار کیے رکھی۔لیکن اب حال ہی میں انسٹاگرام پر سوال جواب سیشن کے دوران ایک مداح کی جانب سے جب یاسر حسین سے پوچھا گیا کہ اقرا آپ سے کتنے سال چھوٹی ہیں؟ تو یاسر حسین نے اس سوال کا جواب دیتے ہوئے کہا 11 سال۔یاسر حسین کے جواب کے برعکس جب گوگل پر دونوں کی تاریخ پیدائش کو سرچ کیا جائے تو گوگل کے مطابق یاسر حسین کی تاریخ پیدائش 22 اپریل 1984 ہے جس کے مطابق ان کی عمر 36 سال ہے۔ اور اقرا عزیز کی تاریخ پیدائش 24 نومبر 1997 ہے اور وہ اس وقت 23 سال کی ہیں۔
