لاہور : اداکارہ تارہ معروف سیاستدان اور وفاقی وزیر کی بیٹی نکلیں۔ سالوں سے میڈیا انڈسٹری میں کام کرنے والی اداکارہ تارا محمود پی ٹی آئی رہنما شفقت محمود کی صاحبزادی ہیں، تصاویر دیکھ کر مداح بھی حیران رہ گئے۔تفصیلات کے مطابق پاکستان کی مقبول اداکارہ تارا محمود ایک جانا پہنچانا نام ہیں۔وہ گذشتہ کئی برسوں سے پاکستانی ڈرامہ انڈسٹری کا حصہ ہیں۔ انہوں نے سرکاری ٹی وی چینل سے نشر ہونے والے ’انسپکٹر کھوجی ‘ ڈرامہ انڈسٹری میں ڈیبیو کیا اور اس وقت سے اب تک تارا محمود ڈرامہ انڈسٹری کی مشہور شخصیت کے طور پر جانی جاتی ہیں۔لیکن بہت کم لوگ جانتے ہیں

کہ تارا محمود معروف سیاستدان شفقت محمود کی صاحبزادی ہیں،شفقت محمود پاکستان تحریک انصاف کی حکومت میں بطور وفاقی وزیر برائے تعلیم ذمہ داریاں نبھا رہے ہیں۔ تارا محمود کا یہ حوالہ مداحوں کے لیے خاصی حیرانی کا باعث ہے۔کچھ روز قبل تارا محمود کی جانب سے اپنے والد اور وزیر تعلیم شفقت محمود کو سوشل میڈیا پلیٹ فارم انسٹاگرام پر سالگرہ کی مبارکباد پیش کی گئی جس کے بعد مداح حیران رہ گئے کہ وہ اتنے سالوں سے جس اداکارہ کو دیکھ رہے ہیں وہ پاکستان کے مقبول سیاستدان کی بیٹی ہیں۔ بتایا گیا ہے کہ اداکارہ تارا محمود کی ایک جڑواں بہن بھی ہیں اور وہ مجموعی طور پر تین بہنیں ہیں۔تارا محمود اس سے قبل بھی اپنے والد اور اہلخانہ کے ساتھ تصاویر شئیرکر چکی ہیں تاہم اب ان کی تصاویر سوشل میڈیا پر وائرل ہو رہی ہیں۔واضح رہے کہ اس کے علاوہ بھی شوبز انڈسٹری میں کچھ ایسے نام ہیں جو معروف سیاستدانوں کی اولاد ہیں لیکن مداح اس بات سے ناواقف ہیں۔ماضی کی معروف اداکارہ اور ماڈل آمنہ حق بھی پاکستان پیپلز پارٹی کے سینئر رہنما اور سابق گورنر پنجاب غلام مصطفیٰ کھر کی صاحبزادی ہیں۔علاوہ ازیں اداکارہ میرا سیٹھی اور گلوکار علی سیٹھی بھی معروف سیاستدان جگنو محسن اور سابق نگران وزیراعلیٰ نجم سیٹھی کی اولاد ہیں۔دونوں نے شوبز انڈسٹری میں خوب نام کمایا ہے۔

اداکارہ تارہ معروف سیاستدان اور وفاقی وزیر کی بیٹی نکلیں pic.twitter.com/Tmo92xJaDi

— Muqadas Farooq Awan (@muqadas34) January 25, 2021