اداکارہ حنا الطاف پاکستان کے کئی ڈراموں میں اپنی اداکاری کے بہترین جوہر دکھا چکی ہیں، یہ وہ اداکارہ ہیں جنہوں نے کافی چھوٹی عمر میں شوبز میں قدم رکھ دیا تھا۔ انہوں نے اپنے کیرئیر کا آغاز ایک شو کی میزبانی سے کیا تھا۔ جس کے بعد انہوں نے ترقی کی منزلیں طے کیں۔ کچھ عرصہ قبل حنا الطاف میزبان تابش ہاشمی کے شو میں تشریف لائیں جہاں انہوں نے مزے مزے کی باتیں کیں۔ حنا الطاف نے مشہور میزبان ڈاکٹر عامر لیاقت کی بھی خوب نقل اتاری۔
حنا نے کہا کہ ڈاکٹر عامر لیاقت جب بولتے ہیں تو ان کے منہ سے تھوک نکلتا ہے، بے شک میں انہیں بہت پسند کرتی ہوں، ان کی بہت عزت کرتی ہوں لیکن جو بات ہے وہ ہے۔ حنا کا مزید کہنا تھا کہ عامر لیاقت صاحب جب بولتے ہیں تو بہت جوشیلے انداز میں بولتے ہیں، کبھی کبھی ایسا لگتا ہے کہ ان کی سیٹ ٹوٹ جائے گی۔ اداکارہ نے مزاحیہ انداز میں ان کی نقل بھی اتاری، ویڈیو ملاحظہ کیجیے۔
