پاکستان کے پہلے موبائل فون اسمبلی پلانٹ نے کام کا آغاز کردیا مقامی سطح پر تیاری کے بعد 15 ہزار سے 18 ہزار تک ملنے والا فون صرف 7 ہزار 300 روپے میں تیار ہوگا

   
   

لاہور : پاکستان کے پہلے موبائل فون اسمبلی پلانٹ نے کام کا آغاز کردیا ، مقامی سطح پر تیاری کے بعد 15 ہزار سے 18 ہزار تک ملنے والا فون صرف 7 ہزار 300 روپے میں تیار ہوگا۔ تفصیلات کے مطابق صوبہ پنجاب کے دارالحکومت لاہور میں پاکستان کے پہلے موبائل فون اسمبلی پلانٹ نے کام شروع کردیا ہے جہاں مختلف کمپنیوں کے ماہانہ 10 لاکھ تک موبائل فونز اسمبل ہوتے ہیں ، کوٹ لکھپت انڈسٹریل ایریا میں قائم کیے گئے نجی کمپنی کے یونٹ میں 3 مختلف کمپنیوں کے موبائل فونز اسمبل ہورہے ہیں ، پلانٹ کی طویل اسمبلی لائنز کے اطراف موجود سینکڑوں ورکرز ماہانہ 9 سے 10 لاکھ موبائل فونز اسمبل کررہے ہیں۔ بتایا گیا ہے کہ اسمبلنگ کے بعد موبائل فون کو سخت ترین ٹیکنیکل ٹیسٹ سے بھی گزار جاتا ہے ،

مقامی سطح پر تیاری کے بعد 15 ہزار سے 18 ہزار تک ملنے والا فون صرف 7 ہزار 300 روپے میں تیار ہوگا جب کہ گزشتہ مالی سال کے دوران موبائل فونز کی درآمدت پر 1 ارب 31 کروڑ 10 لاکھ ڈالرز کا زرمبادلہ خرچ ہوا تاہم اب حکومتی پالیسی میں نرمی اور غیر ملکی کمپنیوں کی موبائل فون صنعت میں سرمایہ کاری سے پاکستان کا اربوں روپے کا درآمدی بل کم ہوگا جب کہ پلانٹ میں 7 اسمبلی لائینز کی کھپت اور ود ہولڈنگ ٹیکس میں چھوٹ سے مقامی سطح پر فونزکی تیاری ہوگی ، جس سے روزگار کے مواقع پیدا ہورہے ہیں۔ دوسری طرف وفاقی وزیر برائے آئی ٹی و ٹیلی کام امین الحق کا کہنا ہے کہ اگلے سال دسمبر میں 5 جی پاکستان میں لانچ ہو جائے گا ، ہم نے موبائل فونز خود بنانا شروع کر دیا ، بجٹ میں آئی ٹی کو انڈسٹری کا درجہ دیا گیا ہے ، موبائل کالزپر ٹیکس لگنے پر وزارت آئی ٹی نے اعتراض اٹھایا تھا،ایف بی آر نے ٹیکس لگایا تو ہم نے اعتراض کیا، وزیراعظم سے اس معاملے پر بات کی اور فوری طور پر اسے نکلوایا گیا ۔ ایف پی سی سی آئی میں خطاب کرتے ہوئے وزیر آئی ٹی و ٹیلی کام امین الحق نے کہا کہ ہ 2018 میں 17کروڑ اسمارٹ فونز تھے ، اب براڈ بینڈ 7کروڑ سے 10 کروڑ ہو چکے ہیں ، اگلے سال دسمبر میں 5جی پاکستان میں لانچ ہو جائے گا،ہم نے موبائل فونز خود بنانا شروع کر دیے ہیں،ہماری خواہش ہے کہ لوگ سستے اسمارٹ فونز استعمال کر سکیں ، اسی لیے رواں مالی سال 20 ارب روپے کنیکٹیوٹی پر خرچ کیا ، اب 18 کروڑ 20 لاکھ افراد کے پاس موبائل فون ہیں ، رواں سال آئی ٹی ایکسپورٹ 2 ارب ڈالر ہو گی ، ملک میں موبائل فون بننا شروع ہو گئے ہیں ، کراچی ائیرپورٹ کے ساتھ 7 ایکڑ زمین پر آئی ٹی پارک بنے گا ۔



اس وقت سب سے زیادہ مقبول خبریں


تازہ ترین خبریں
غیرقانونی طور پر پاکستان میں مقیم افراد کو 14 اگست تک ملک چھوڑنے کی ہدایت
آزاد کشمیر انتخابات، پی ٹی آئی نے فتح کے جھنڈے گاڑتے ہوئے 13نشستیں حاصل کر لیں
افسوسناک حادثہ، آزاد کشمیر میں پاک فوج کی گاڑی کھائی میں گرنے سے 4 جوان شہید
آزاد کشمیر انتخابات،پیپلز پارٹی اور پی ٹی آئی کارکنوں میں تصادم، 1شخص جاں بحق، 6زخمی
وزیراعظم آزاد کشمیر انتخابات میں دو تہائی اکثریت حاصل کرنے کی پوزیشن میں آگئے گیلپ پاکستان کے سروے کے مطابق عمران خان تقریباً 70 فیصد کشمیریوں کے پسندیدہ لیڈر قرار
فیصل مسجد اسلام آباد سیل کر دی گئی

سپورٹس
کورونا کے پیش نظر پاکستان بمقابلہ ویسٹ انڈیز سیریز کا شیڈول تبدیل کردیا گیا
کے ٹو سر کرنے کی جستجو نے ایک اور کوہ پیما کی جان لے لی
میرے میاں کہاں ہیں؟ ساحل پر کرکٹرز کی تصویر پر سرفراز کی اہلیہ کا پی سی بی سے سوال
”مجھے بھارتیوں نے 50 کروڑ روپے کی آفر کی اور کہا کہ ۔۔“سابق ٹیسٹ کرکٹر عبدالرزاق نے حیران کن دعویٰ کر دیا
پاکستان کا دورہ ویسٹ انڈیز خطرے میں پڑگیا
ٹوکیو اولمپکس ، خواتین کی عالمی چیمپئن امریکی ٹیم کو سویڈن کے ہاتھوں اپ سیٹ شکست

Copyright © 2020 DailyQaim. All Rights Reserved | Privacy Policy