لاہور (نیوز ڈیسک) سری لنکا کے بعد دنیائے کرکٹ کی ایک اور تگڑی ٹیم دورہ پاکستان کیلئے راضی ہوگئی، بنگلہ دیش کرکٹ بورڈ اپنی خواتین اور انڈر 16 کی ٹیمیں پاکستان بھیجنے کیلئے راضی ہوگیا، بنگلہ دیش کی سینئر ٹیم کے دورہ پاکستان پر بھی غور جاری۔ تفصیلات کے مطابق پاکستانی شائقین کرکٹ کیلئے زبردست خبر سامنے آئی ہے۔آہستہ آہستہ بین الاقوامی کرکٹ بھرپور انداز میں پاکستان واپس آنے لگی ہے۔ نجی ٹی وی چینل کی رپورٹ کے مطابق بنگلہ دیش کرکٹ بورڈ پاکستان اور بنگلہ دیش کے درمیان پاکستان میں ہی سیریز

کے انعقاد کا خواہاں ہے۔ اس حوالے سے بنگلہ دیش اور پاکستان کرکٹ بورڈ کے درمیان اہم پیش رفت ہوئی ہے۔ بتایا گیا ہے کہ بنگلہ دیش کرکٹ بورڈ اپنی خواتین اور انڈر 16 کی ٹیمیں پاکستان بھیجنے کیلئے راضی ہوگیا ہے۔دونوں ممالک کے کرکٹ بورڈز کے درمیان میچز کی تعداد اور وینیوز کے حوالے سے بات چیت جاری ہے، معاملات جلد طے ہو جانے کے بعد دورے کا باقاعدہ اعلان کیا جائے گا۔ جبکہ بنگلہ دیش کی خواتین اور انڈر 16 ٹیم کے دورے کی کامیابی کی صورت میں بنگلہ دیش اپنی سینئر کرکٹ ٹیم بھی پاکستان بھیجے گا۔