مانچسٹر(آئی این پی) ورلڈ کپ سیمی فائنل میں نیوزی لینڈ کے ہاتھوں 18رنز کی شکست کے بعد بھارتی کپتان ویرات کوہلی نے میگا ایونٹ کے فارمیٹ میں ہی خامیاں نکالنا شروع کردیں۔موجودہ فارمیٹ 1992کے بعد پہلی بار آزمایا گیا اور اس میں تمام ٹیموں کو ابتدائی رانڈ میں 9، 9 میچز کھیلنے کا موقع میسر آیا۔جب کوہلی سے پوچھا گیا کہ کیا وہ سمجھتے ہیں کہ آئی پی ایل کی طرز پر فارمیٹ ہونا چاہیے جس میں گروپ راؤنڈ میں ٹاپ پر رہنے والی ٹیم کو فائنل میں رسائی کے 2 مواقع ملتے ہیں تو انھوں نے کہا کہ اگر پوائنٹس ٹیبل پر ٹاپ پر رہنے کی کوئی اہمیت ہے تو پھر اس قسم کے فارمیٹ پر غور ہونا چاہیے کیونکہ آپ کی ساری محنت صرف ایک برے اسپیل کی نذر ہوجاتی ہے۔