لاہور قومی کرکٹ ٹیم کے فاسٹ باﺅلر حسن علی نے کہا ہے کہ فٹنس پر تیزی سے کام کے باوجود وہ ابھی تک مکمل طور پر فٹ نہیں ہوئے لہٰذا ممکن ہے کہ وہ پاکستان سپر لیگ کے ابتدائی دو میچوں میں شرکت سے محروم رہیں۔ایک انٹر ویو کے دوران حسن علی کا کہنا تھا کہ تینوں فارمیٹس میں کھیلنے کی وجہ سے باﺅلرز کو فٹنس مسائل کا سامنا رہتا ہے ،پی سی

بی کی جانب سے آرام دینے کی پالیسی بنائی جاتی ہے تو یہ ان کیلئے کارآمد ثابت ہو گی۔حسن علی نے کہا کہ کپتان سرفراز احمد سے کوئی اختلاف نہیں جو ان کیلئے بڑے بھائی کی طرح ہیں اور فیلڈ میں گرما گرمی کے باوجود آف دی فیلڈ سب کچھ ٹھیک ہے۔ انہوں نے کیوی وکٹوں سے ایڈجسٹ نہ ہونے پر مایوسی ظاہر کی۔