کراچی : پاکستانی اداکارہ اقرا عزیز اور یاسر حسین کے گھر ننھے مہمان کی آمد کی خبر نے جوڑے کو خوشی سے نہال کردیا۔ اداکارہ اقرا عزیز نے شوہر یاسر حسین کے ساتھ انسٹاگرام پر ایک تصویر شیئر کی ہے جس میں وہ اپنا بے بی بمپ دکھا رہی ہیں۔ اقرا عزیز نے بتایا کہ ان کے گھر جولائی 2021 میں ننھے مہمان کی آمد متوقع ہے۔ اداکار یاسر حسین نے اپنے پیغام میں کہا کہ ” اللہ ہمیشہ ہی ہم پر مہربان رہا ہے ، اس بار تو اس کی کرم نوازی بے مثال ہے۔ اولاد اللہ کا خوبصورت تحفہ ہے، الحمد للہ ہم بہت خوش ہیں اور امید کرتے ہیں کہ آپ بھی ہمیں اپنی دعاؤں میں یاد رکھیں گے۔”
