دین سے رہنمائی لینی پڑے گی۔عورت کے مقام کیلئے کام شروع۔۔۔ خلیل الرحمٰن قمر کا مشن جاری رکھنے کا اعلان


لاہور (ویب ڈیسک) مصنف خلیل الرحمن قمر نے کہا ہمیں خواتین کو مکمل حقوق دینے کیلئے اپنے دین سے رہنمائی لینی پڑے گی۔ انہوں نے کہا ایک نئے پراجیکٹ پر کام کر رہا ہوں اور اسے بڑی سوچ سمجھ کے بعد کسی چینل کے حوالے کروں گا، خلیل الرحمن قمر نے کہا میں نے ہمیشہ عورت کے مقام کو بہتر کرنے اور ان کو معاشرے میں قابل احترام بنانے کے لئے اپنے ڈراموں کے ذریعے بہت کام کیا اور میرا یہ مشن جاری رہے گا۔ میرا نیا پراجیکٹ بہت جلد منظر عام پر آ جائے گا اور میں ایک بہترین کہانی لکھ کر پہلے سے زیادہ بہترین ڈرامہ دیکھنے اور اپنے چاہنے والوں کو دوں گا۔ دوسری جانب لاہور کی سول عدالت میں معروف ڈرامہ نگار خلیل الرحمان قمر کیخلاف ہتک عزت کا دعویٰ دائر کردیا گیا۔

خلیل الرحمان قمر کے خلاف مقامی صحافی فرخ شہباز وڑائچ نے ہتک عزت کا دعویٰ دائر کیا ہے جس میں درخواست گزار کی جانب سے موقف اختیارکیا گیاہے کہ انٹرویو کے دوران خلیل الرحمان قمر سے مناسب سوال کیا تو وہ آپے سے باہر ہوگئے۔ درخواست گزار کا کہناہےکہ خلیل الرحمٰن قمر نے سوال کا جواب دینے کے بجائے کیمرہ کے سامنے گالی دینا شروع کردی۔ بعدازاں خلیل الرحمٰن قمر نے سوشل میڈیا پر میرے خلاف مہم بھی شروع کی جس کے بعد جان سے مارنے کی دھمکیاں ملنا شروع ہوگئیں۔خلیل الرحمان قمر کی غیر مناسب زبان اور دھمکیوں کی وجہ سے میری شہرت کو نقصان پہنچا۔درخواست گزار نے عدالت سے استدعاکی ہے کہ خلیل الرحمان قمر کو 5کروڑ روپے ہرجانہ ادا کرنے کا حکم دے۔ خیال رہے کہ خلیل الرحمان قمر کئی مشہور اور معروف ڈرامے تحریر کرچکے ہیں۔ حال ہی میں ان کے ڈرامہ ’میرے پاس تم ہو‘ کو ملک بھر میں بے حد پذیرائی ملی تھی جس کے بعد خلیل الرحمان قمر لوگوں کی توجہ اور گفتگو کا مرکز بنتے چلے گئے۔ اسی دوران ’عورت مارچ‘ کے موضوع پر خلیل الرحمان نے ایک ٹی وی کے لائیوپروگرام میں ایسے خیالات کا بھی اظہارکیا

جن سے لوگوں کی ایک بڑی تعداد نے اختلا ف کیا۔ لائیو شو میں ایک خاتون کی جانب سے بار بار ٹوکے جانے پر انہوں نے لائیو ہی انہیں نہ صرف جھاڑ پلائی بلکہ نامناسب الفاظ بھی اداکیے جس کے بعد ان پر شدید تنقید ہوئی جبکہ لوگوں کی بڑی تعداد نے عورت مارچ کی مخالفت میں ان کے نازیبا الفاظ کی بھی حمایت کی ۔ اسی موضوع پر مقامی صحافی فرخ وڑائچ نے ان کا انٹرویو کیا تھا۔ دوران انٹرویو فرخ نے خلیل الرحمان سے ان کے طرز عمل بارے سوال کیا تو وہ نہ صرف بھڑک اٹھے بلکہ گالی دی اور کیمرہ بند کرنے کا کہا ۔



اس وقت سب سے زیادہ مقبول خبریں


تازہ ترین خبریں
کرونا وائرس کے شکار برطانوی وزیراعظم کی طبیعت بگڑ گئی
عوام نے احتیاط نہ کی تو خدشہ ہے پاکستان میں 25 اپریل تک کرونا وائرس کیسز کی تعداد 50 ہزار ہو جائے گی ، وزیراعظم عمران خان
پاکستان بڑی تباہی کے دہانے پر۔۔۔ کورونا وائرس کیا کیا تباہی مچانے والا ہے؟ اقوام متحدہ نے خوفناک پیشنگوئی کر دی
پاکستان میں کورونا مریضوں کی تعداد 1865تک جا پہنچی جاں بحق افراد کی تعداد 25 ہوگئی
اس سال حج نہیں ہوگا۔۔!! سعودی حکومت نے باقاعدہ اعلان کر دیا
پاکستان میں کوروناوائرس کا ایک اور مریض دم توڑگیا

سپورٹس
افسوسناک خبر، ملک کے مایہ ناز ڈاکٹر کرونا وائرس کا شکار ہو کر انتقال کر گئے
کورونا کا پھیلائوحکومتی سازش یا پھر۔ باکسر عامر خان کے انکشاف نے تہلکہ مچا دیا
غیر ذمے دارانہ رویے کی انتہاء، لاک ڈاؤن کے باوجود کرکٹر احمد شہزاد اہلِ خانہ کے ہمراہ شمالی علاقہ جات کی سیر کرنے پہنچ گئے
تمام تنازعہ کا خاتمہ۔۔ پی ایس ایل 5کے چمپئن سے متعلق اہم اعلان کردیا گیا
کورونا وائرس کیخلاف جنگ، وسیم اکرم اور عماد وسیم کا عمران خان کی جانب سے قائم فنڈ میں 10,10 لاکھ روپے دینے کا اعلان
شرجیل خان کو قومی ٹیم میں واپس لائے جانے کی باتیں، چیف سلیکٹر مصباح الحق نے فیصلہ سنا دیا

Copyright © 2020 DailyQaim. All Rights Reserved | Privacy Policy