لاہور قلندرز کی انتظامیہ کی جانب سے ٹیم کے فاسٹ بولر زمان خان کے لیے آزاد کشمیر کے علاقے چکسوالی میں نیا گھر تعمیر کرنے کا اعلان کیا گیا ہے۔ یہ اعلان قلندرز کے چیف آپریٹنگ آفیسر (سی او او) ثمین رانا کی جانب سے زمان خان کے اعزاز میں سجائی گئی ایک تقریب کے دوران کیا گیا جہاں کرکٹر کے والد بھی موجود تھے۔ ثمین رانا نے اس موقع پر زمان خان کی ایونٹ میں شاندار کارکردگی کی تعریف کرتے ہوئے کہا کہ آپ سب کو اس پر فخر ہونا چاہیے کیونکہ وہ ملکی و غیر ملکی بڑے کھلاڑیوں کے درمیان تھا پھر بھی اس نے اپنی الگ پہچان بنائی،

عمران خان کے ہاتھ ٹرمپ کارڈ لگ گیا ہے، اینکر پرسن کامران خان کا دعویٰ

محنت سے پوری ٹیم کا ساتھ دیا، ہماری خواہش تھی کہ اس کے گھر آئیں اور اس کے والد سے ملاقات کرکے شکریہ ادا کریں۔ سی او او قلندرز نے کہا کہ زمان کی وجہ سے قلندرز کو 6 سال بعد ٹرافی ملی، وہ ایسا بچہ ہے جس نے اس ٹورنامنٹ میں دو میچز اکیلے ہی جتا دیے تھے۔ انہوں نے مزید کہا کہ یہاں آنے سے قبل ٹیم کے کپتان شاہین شاہ آفریدی کی فون کال موصول ہوئی جس میں انہوں نے درخواست کی کہ زمان کے پاس پکا مکان نہیں ہے، اسی لیے ہم نے فیصلہ کیا ہے کہ اس کے لیے گھر تعمیر کیا جائے گا۔ دوسری جانب قومی کرکٹر محمد عامر کو لاہور قلندرز کی انتظامیہ کا یہ اقدام کافی پسند آیا جس کی انہوں نے تعریف کی۔ اپنے ٹوئٹر پیغام میں فاسٹ بولر نے کہا کہ لاہور قلندرز کی انتظامیہ کی اس بات نے دل جیت لیا ہے۔

is bat se dil jeet liya hai welldone @lahoreqalandars 🥰🥰 https://t.co/W8wYRoeLwC

— Mohammad Amir (@iamamirofficial) March 13, 2022

میں اس لیے سیاست میں نہیں آیا تھا کہ ٹماٹر کی کیا اور آلو کی کیا قیمت ہے، میں قوم بنانے آیا تھا، وزیراعظم کا حافظ آباد جلسے سے خطاب