راولپنڈی(مانیٹرنگ ڈیسک) بھارت کی جانب سے سرحد پر اشتعال انگیزی کارروائیوںکے بعد ایک دفعہ پھر دونوں ملکوں کے مابین کشیدگی بڑھ گئی ہے اور لائن آف کنٹرول کے اطراف سے گولہ باری کا تبادلہ جاری ہے ۔آئی ایس پی آر کی رپورٹ کے مطابق لائن آف کنٹرول پ رہفتے کے روز بھارتی فوج نے ایک مرتبہ پھر سیز فائر کی خلاف ورزی کرتے ہوئے شہری
آبادی کو نشانہ بنایا۔ بھارتی فوج کی جانب سے 82 ایم ایم گولوں سے شہری آبادی کو نشانہ بنایا گیا جس کے نتیجے میں 4 شہری شدید زخمی ہوگئے۔سیز فائر کی خلاف ورزہ لائن آف کنٹرول کے نکیال سیکٹر پر کی گئی۔۔ پاک فوج اور بھارتی فوج کے درمیان شدید گولہ باری کا تبادلہ ہوا جس کے نتیجے میں متعدد بھارتی چوکیاں تباہ کر دی گئیں۔ جبکہ متعدد بھارتی فوجیوں کے جہنم واصل ہو جانے کی بھی اطلاعات ہیں۔بھارتی فوج کی بلا اشتعال فائر کے بعد پاک فوج نے بھی فوری حرکت میں آتے ہوئے بھارتی فوج کو منہ توڑ جواب دیا۔