راولپنڈی(مانیٹرنگ ڈیسک) دیگر تمام سیاسی جماعتوں کی طرح سینیٹ الیکشن قریب آتے ہی خود مسلم لیگ ُ(ن ) کو بھی داخلی انتشار کا سامنا ہے اور پارٹی قائدین ان اختلافات کو لے کر سخت ذہنی تنائوکا شکار ہیں۔ سابق وزیر اعظم نواز شریف کی بیٹی مریم نواز نے 11مارچ کو راولپنڈی میں ن لیگ کے زیر اہتمام سوشل میڈیا ورکرز کنونشن میں شرکت سے معذرت کر

لی مریم نے یہ معذرت مسلم لیگ ن راولپنڈی میں واضح گروپ بندی کی بنیاد پر کی مسلم لیگ ن کی جانب سے رابطہ عوام اور آئندہ عام انتخابات کی مہم کے لئے پنجاب کے مختلف شہروں میں جلسوں کا شیڈول جاری کیا گیا تھا جس کے تحت راولپنڈی میں ضلعی سطح پر سوشل میڈیا ورکرز کنونشن منعقد کیاجانا تھاجس کی میزبانی سینیٹر چوہدری تنویرخان کے بیٹے دانیال چوہدری کرنا چاہتےتھے جبکہ گزشتہ دنوں میٹرو بس سروس کے چیئر مین حنیف عباسی 28فروری کو پہلے ہی اپنے انتخابی حلقہ این اے56کی سطح پر سوشل میڈیا ورکرز کا کنونشن منعقد کروا چکے ہیں جس میں وزیر مملکت برائے اطلاعات مریم اورنگزیب مہمان خصوصی تھیں لیگی ذرائع کے مطابق مریم نواز نے الگ الگ کنونشن منعقد کروانے پر تحفظات کا اظہار کرتے ہوئے موقف اختیار کیا کہ زیادہ بہتر تھا کہ یہ کنونشن متحد ہو کر کرایا جاتا تاکہ مخالفین کو باہم یکجا ہونے کا پیغام دیا جاتا ذرائع کے مطابق مریم نواز نے دونوں دھڑوں کو ایک جگہ اور 1تاریخ پر ورکرز کنونشن کے انعقاد کا مشورہ دیتے ہوئے واضح کیاکہ1 جگہ اور تاریخ پر کنونشن منعقد کریں تو وہ شرکت کریں گیتاہم ذرائع کے مطابق حنیف عباسی اور چوہدری تنویر کا ایک جگہ ایک وقت میں بیٹھنا ممکن نظر نہیں آتا جس کی وجہ یہ ہے کہ حنیف عباسی بھی این اے 56سے آئندہ امیدوار ہیں جبکہ چوہدری تنویر اپنے بیٹے دانیال چوہدری کو بھی این اے 56سے ٹکٹ دلوانا چاہتے ہیں جس وجہ سے دونوں رہنما پہلے ہی اندرون خانہ اپنی انتخابی مہم چلا رہے ہیں ذرائع کا یہ بھی کہنا ہے کہ سال2013کے عام انتخابات میں این اے 56سے حنیف عباسی کی شکست کی وجہ بھی چوہدری تنویر دھڑے کی مخالفت تھی اس حوالے سے لیگی کارکنوں کا خیال ہے کہ اگر یہی صورتحا رہی تو مریم نواز کا راولپندی کنونشن میں شرکت مشکوک ہو جائے گی