اسلام آباد : وزیر خزانہ شوکت ترین نے کہا ہے کہ نئے بجٹ میں کسی ٹیکس چور کونہیں چھوڑوں گا، ٹیکس چوروں کے لیے کوئی رعایت نہیں ہو گی۔پارلیمنٹ ہاؤس میں صحافیوں سےغیر رسمی بات چیت میں وزیر خزانہ شوکت ترین نے کہا کہ یکم جولائی سے ٹیکس اقدامات پرعملدرآمد شروع ہو جائے گا اور کسی ٹیکس چور کو نہیں چھوڑا جائے گا۔وزیرخزانہ نے کہا کہ بجٹ میں 383 ارب کی بجائے 264 ارب کےاقدامات ہو سکتےہیں سینیٹ کی خزانہ کمیٹی کےذریعےمختلف شعبوں کوریلیف دیا گیا بجٹ کی مشاورت میں سینیٹ کی تجاویز شامل کی گئی ہیں۔شوکت ترین نے کہا کہ ٹیکس معاملات پر تمام فریقین سے بیٹھ کر بات کرنے کیلئے تیار ہوں تمام فریقین سے بات کرنے کے بعد پالیسی انفورسمنٹ اقدامات ہوں گے ماضی میں ٹیکس چور ٹیکس نوٹس نظرانداز کرتےتھے لیکن اب ایف بی آر کے نوٹسز نظرانداز کرنے والوں نقصان ہوگا۔