سلام آباد (ویب ڈیسک) پیپلز پارٹی چاہتی ہے اپوزیشن کی طرف سے آل پارٹیز کانفرنس میں سپیکر اور وزیراعلیٰ پنجاب کے خلاف تحریک عدم اعتماد لانے کا اعلان کیا جائے ، تحریک عدم اعتماد لائی گئی تو وزیر اعلی پنجاب مشکل میں پھنس جائیں گے ، لیکن اپوزیشن ابھی سوائے احتجاج کے اور کچھ بھی نہیں کرنے جارہی ۔ ان خیالات کا اظہار تجزیہ کار عمران یعقوب خان نے کیا ۔ نجی ٹی وی چینل کے پروگرام میں گفتگو کرتے ہوئے انہوں نے کہا کہ پیپلز پارٹی اور مسلم لیگ ن پر چھوٹی جماعتوں کا بہت پریشر ہے ،
ان جماعتوں کے اپنے کارکن کسی تحریک کا حصہ بننے کیلئے تیار نہیں ہیں لہذا ان کو چھوٹی جماعتوں کی سپورٹ چاہیے تاکہ ضرورت پڑنے پر یہ ان کا استعمال کرسکیں ، جبکہ اپوزیشن کی اے پی سی کا مقصد اپنے آپ کو موزوں ثابت کرنا ہے ، پیپلز پارٹی چاہتی ہے کہ اپوزیشن اے پی سی میں اسپیکر اور وزیراعلی پنجاب کے خلاف تحریک عدم اعتماد لانے کا فیصلہ کرے ، اگر کسی اشارے پر اپوزیشن کے ووٹ حکومتی ڈبوں سے نکل سکتے ہیں توپھر کسی اشارے پر حکومتی ووٹ بھی اپوزیشن کے ڈبوں میں سے نکل سکتے ہیں ، لیکن اپوزیشن طرف سے ایسا کچھ بھی کیا جانا دکھائی نہیں دے رہا ۔ تجزیہ کار عمران یعقوب خان نے کہا کہ حکومت اور اپوزیشن دونوں عوام کو بیووقوف بنا نے میں لگی ہیں ، اپوزیشن نہ استعفے دینا چاہتی ہے نہ چاہتی ہے کہ عام انتخابات ابھی ہوں ، اپوزیشن ابھی حکومت میں بھی نہیں آنا چاہتی وہ چاہتے ہیں کہ حکومت کی کارکردگی ایسے ہی رہے وہ حکومت کومزید ایکسپوز کرنا چاہتے ہیں ۔ واضح رہے کہ پیپلز پارٹی کی میزبانی میں اے پی سی آج اسلام آباد میں ہوگی جس میںاپوزیشن جماعتیں حکومت کو ٹف ٹائم دینے کیلئے لائحہ عمل ترتیب دیں گی