کراچی(مانیٹرنگ ڈیسک)نقیب اللہ محسود قتل میں مطلوب سابق ایس ایس پی ملیر راؤانوارتاحال مفرور ہیں ،پولیس نے ان کی گرفتاری کے لیے نئی حکمت عملی ترتیب دے دی ہے۔پولیس کے مطابق اب راؤ انوار کے رابطہ کاروں سے پوچھ گچھ کافیصلہ کیا ہے، رابطہ کاروں میں میڈیا کے کئی لوگ بھی شامل ہیں۔پولیس کے مطابق 13جنوری کے مقابلے سے پہلے اور بعد میں راؤ انوار سے 3 افراد نے رابطے کیے ، راؤ انوار اپنے شوٹر ایس ایچ او شعیب اور امان اللہ مروت
سے بھی رابطے میں رہا۔پولیس کے مطابق راؤ انوارکے زیر استعمال 3 موبائل فون کے کالز ڈیٹا ریکارڈ کی چھان بین ہوگی، راؤ انوار کی موبائل فون پر کی گئی گفتگو کی ریکارڈنگ بھی حاصل کرلی گئی ہے،مقابلے کے دن راؤ انوار نے کس سے کیا گفتگو کی،سب کے بیانات قلمبند ہوں گے۔
