وزیراعظم اوروزیراعلیٰ کاعہدہ مفلوج،جوڈیشل کمیشن کااختیاربھی سلب کرلیا،نوازشریف

   
   

کراچی پاکستان مسلم لیگ ن کے صدراور سابق وزیراعظم محمد نوازشریف نے کہا ہے کہ وزیراعظم اور وزیراعلیٰ کاعہدہ مفلوج ،جوڈیشل کمیشن کااختیاربھی لے لیا، ریاست کاایک ستون دوسرے ستون پرکوڑے برسائے توکیسے کام ہوگا، عدلیہ کی توہین ہے توکیاایک فردکی عزت نہیں ہوتی؟ وکلاء کمیشن پاناما ، عمران اور جہانگیرترین کیس کاجائزہ لے،تینوں

کوایک ترازومیں تولاگیا،عدلیہ نے منتخب نمائندوں کیلئے انصاف کے منافی رویہ اختیارکیا،جبکہ آمروں کو آئین شکنی کاجوازفراہم کیا،بہت سارے چینلزبھی حکم امتناعی پرچل رہے ہیں۔عمران خان کے فیصلے میں بھی سارانزلہ نوازشریف پرگرادیا۔انہوں نے آج یہاں کراچی میں وکلاء سے خطاب کرتے ہوئے کہاکہ یاسین آزاد نے مسلم لیگ ن میں شمولیت اختیارکرلی ہے۔بڑے وکلاء کی پارٹی میں شمولیت اثاثہ ثابت ہوگی۔انہوں نے کہاکہ مہذب اور جمہوری معاشرے میں وکلاء کے کردار کواہمیت کی نظرسے دیکھاجاتاہے۔وکالت کے شعبے سے تعلق رکھنے والے شاعرمشرق علامہ اقبال نے پاکستان کاتصور پیش کیا۔قائداعظم نے علامہ اقبال کے خواب کوپوراکیا۔خواب سے تعبیرتک کاسفرہماری تاریخ کاسنہری باب ہے۔پاکستان کے وکلاء نے جمہوری سفرکیلئے شاندارکرداراداکیا۔میں نے بچپن سے آج تک دیکھا کہ وکلای آمریت کیخلاف وکلاء ہراول دستے میں رہے۔وکلاء نے مشرف کیخلاف بھی بھرپورکرداراداکیا۔وکلاء نے عدلیہ بحالی کی تحریک میں شاندارکردار اداکیا۔میں بھی اس تحریک کاحصہ ہوں۔سابق وزیراعظم نے کہاکہ ہمارا مقصد اس وقت چندججز کی بحالی نہیں

تھی بلکہ ہمارا مقصد ڈکٹیٹرکوحق نہ دیناتھاکہ وہ آئین کوپامال کرے ۔ہمارااصول یہ تھاکہ ججزبغیردباؤ کے فیصلے کریں گے۔ہم عدلیہ بحالی تحریک میں کامیا ب ہوگئے۔ججز اپنے عہدوں پربیٹھ گئے لیکن پاکستان کے عوام کووہ انصاف فراہم نہ کرسکے ۔جس کے عوام مستحق تھے۔آج مقدمات کی بھاری تعداد کئی کئی سال گزرنے کے باوجود عوام انصاف کیلئے ٹھوکریں کھاتی تھک گئی ہے۔انہوں نے کہاکہ گزشتہ سال عدالتوں میں 18لاکھ 59ہزار886مقدمات زیرالتوا تھے۔سپریم کورٹ میں نومبر38ہزار500سے زائدمقدمات زیرالتواء تھے۔میں یہ بتانے سے قاصرہوں کہ یہ مقدمات کتنے سالوں سے انصاف کے منتظرہیں۔وحید نامی شخص نے 1956ء میں ایک پلاٹ نیلامی میں خریدا۔اس نے عدالت کے دروازے پردستخط دی۔اس کامقدمہ چلتے چلتے 2007ء میں سپریم کورٹ میں پہنچ گیا۔بھی فیصلہ نہ ہوسکا۔انہوں نے کہاکہ میں جب کہتاہوں کہ عدلیہ بحالی کے بعد اب عدل بحالی کی تحریک چلائی جائے گی اس کامقصد یہی ہے۔کہ لوگوں کوذہنی اذیت سے بچایاجائے۔انہوں نے کہاکہ ہماری عدلیہ نے منتخب نمائندوں کیلئے سخت اور انصاف کے منافی رویہ اختیارکیا۔جبکہ ڈکٹیٹر اور آمروں کی آئین شکنی کونہ صرف جوازفراہم کیاگیامگرآمروں

کوچیرپھاڑکی اجازت بھی دی گئی۔ارشاد حسن نے مشرف کواختیاردیاکہ آئین کے ساتھ جومرضی کریں۔نوازشریف نے کہاکہ وکلاء برادری کوجائزہ لیناہوگا کہ صوابدید ی کادائرہ جب غیرمحدودحد تک پھیل جائے توانصاف کومتاثرکرتاہے۔مقننہ ،انتظامیہ اور عدلیہ کے درمیان وہ تعلق ہے جس کاتقاضا آئین کرتاہے؟ میں یہ سوال اپنے ذاتی تجربے کی بنیادپراٹھارہاہوں۔انہوں نے کہاکہ آج وزیراعظم کاعہدہ مفلوج ہوچکاہے۔انتظامیاں بھی مفلوج ہوگئی ہے۔وزیراعظم کسی اہم معاملے پرجوڈیشل کمیشن بنائے یہ اختیاربھی لے لیاگیاہے۔جب ایک ریاست کاستون دوسرے ستون کے ہاتھ پاؤن باندھ دے اور کوڑے برسائے توکیسے کام ہوگا۔انہوں نے کہاکہ آج پارلیمنٹ کاایک بنایاہواقانون عدلیہ کے سامنے پڑاہے۔انہوں نے کہاکہ سپریم کورٹ کے ایک جج نے کہاکہ ہم وزیراعظم کوبھی طلب کرسکتے ہیں۔وزیراعظم کویہ بھی پتاہوناچاہیے کہ اڈیالہ جیل میں بڑی جگہ ہے۔یہ میری نہیں بلکہ وزیراعظم کے منصب کی توہین ہے۔میں چیف جسٹس کوخط لکھا لیکن جواب دیناتودرکناررسید دینابھی گوارہ نہ سمجھا۔عمران خان کے خلاف فیصلہ دیتے ہوئے ایک جج نے میرے خلاف ساتھ صفحات لکھ

دیے۔وہ صادق اور امین ٹھہرے لیکن سارانزلہ نوازشریف پرگرادیاگیا۔عدلیہ کوفیصلے دینے کااختیارہے لیکن دوسروں کی توہین کرنے کااختیاربھی حاصل ہے؟ عدلیہ کی توہین ہے توایک فردکی عزت نہیں ہوتی؟ انہوں نے اورنج لائن ٹرین کے منصوبے کواپریل 2016ء میں روکااور اپریل 2017ء میں سماعت مکمل ہوئی لیکن فیصلہ محفوظ کرکے 8مہینے بعد سنایاگیا۔اس دوران شہریوں کوجوسہولت میسرہونی تھی اور اس دوارن منصوبے کی لاگت میں کتنااضافہ ہوا،اس کااندازہ ہے؟ حال ہی میں ایک اینکرکی جانب سے اسکینڈل سامنے آیا۔پیمرانے جب بھی ایکشن لیاتوعدالتی حکم امتناعی آڑے آگیا۔بہت سارے چینلزبھی حکم امتناعی پرچل رہے ہیں۔انہوں نے کہاکہ پاناما کیس فیصلے کاآغاز ایک فضول اور بے کارپٹیشن سے ہوا۔پھریکدم یہ فضول پٹیشن معتبر ہوگئی۔اس کیلئے پانچ ہیرے تلاش کیے گئے۔واٹس ایپ کال کس نے کی؟ میں ایک ایسا ریفرنس بھگت رہاہوں ۔جونیب نے نہیں بلکہ خود سپریم کورٹ نے دیے ہیں۔پھرمیرے سرپرایک جج بٹھاکرتلوارلٹکا دی گئی کی وہ چھ مہینوں میں فیصلہ سنائے۔انہوں نے کہاکہ وکلاء کوایک ایسا کمیشن تشکیل دیناہوگاتومولوی تمیزالدین سے لیکرآج تک کے مقدمات کاجائزہ لے اور کوتاہیوں کودورکیاجائے۔پاناما کیس ، عمران خان کیس اور

جہانگیرترین کیس کاتقابلی جائزہ لیکرقوم کوبتائے کہ کیاتینوں کوایک ہی ترازومیں تولاگیاہے؟ ایک عدالت ،ایک قانون کے ہوتے ہوئے تین مختلف پیمانے اپنائے گئے؟ انہوں نے کہاکہ اس سے خلق خدا کوعلم ہوسکے گاکہ عدل سے کیاسلوک کیاجارہاہے۔ججزکی تعیناتی اور دیگرامورکاجائزہ اور دوسرے ممالک کے نظام کوبھی دیکھناچاہیے۔عدلیہ کی غیرجانبداری، انصاف پروری ہی اس کی عزت کویقینی بناسکتی ہے۔اگرعدالتی فیصلوں پرانگلیاں اٹھنے لگیں ،اگرقسمیں اور کہانیاں بیان کرناپڑیں توجان لیناچاہیے کہ ان سے کوئی بھول ہوئی ہے۔پھریہ بھول چوک عدل کیلئے نقصان دہ ثابت ہوتی ہے۔




اس وقت سب سے زیادہ مقبول خبریں
کمیٹی 25 مئی کی قتل و غارت پر اپنی کارروائی شروع کرے گی اگر رانا ثنااللہ پیش نہ ہوئے تو گرفتار کر لیا جائے گا۔ شہباز گل
وزیراعظم کی ہدایت پرملک کے کون سے علاقوں میں ایمرجنسی نافذ کردی گئی ،بڑی خبرآگئی
پی ٹی آئی کے کتنے رہنمائوں کیخلاف تحقیقات کا حکم دیدیا گیا؟ نام ای سی ایل میں ڈالے جائیں گے
ہیلی کاپٹر حادثہ، سوشل میڈیا پر تضحیک آمیز تبصرے ناقابل قبول ہیں، آئی ایس پی آر
ضمنی الیکشن، عمران خان کا تمام 9 حلقوں سے خود الیکشن لڑنے کا فیصلہ
کسی بیرون ملک یا ملٹی نیشنل کمپنی سے پیسے لینا فارن فنڈنگ ہوتی ہے بیرون ملک مقیم پاکستانیوں سے پیسا لینا فارن فنڈنگ نہیں
پاکستان تحریک انصاف نے چیف الیکشن کمشنر کے خلاف ریفرنس واپس لے لیا
چیف الیکشن کمشنر کی چھٹی ؟ تحریک انصاف نے بڑا جھٹکا دیدیا
الیکشن کمیشن کےخلاف احتجاج۔۔آج شام کہاں جمع ہونا ہے، عمران خان نے جگہ تبدیل کردی، کھلاڑیوں کیلئے پیغام جاری
کوئی بھی قانون سے بالاتر نہیں، پی ٹی آئی کے وزیر کو 14سال قید کی سزا سنا دی گئی ، عدالت کے بڑا فیصلہ آگیا


پی ایس ایل 7: پوائنٹس ٹیبل
ٹیم میچ پوائنٹ
ملتان سلطان 10 18
لاہور قلندرز 10 12
پشاور زلمی 10 12
اسلام آباد یونائیٹڈ 10 8
کوئٹہ گلیڈی ایٹرز 10 8
کراچی کنگز 10 2

دلچسپ و عجیب
مہینے میں دو مرتبہ ہی بیوی سے ملنے گھر جاتا تھابیوی حاملہ تھی ۔جانیے ایک شوہر کی درد بھری کہانی
بے روزگاری میں یہ چار کام کیجئے، ملازمت والوں سے زیادہ کمائیں گے!
تنخواہ بڑھانے سے انکار کردیا تو فکر نہ کریں… چند ایسے طریقے کمپنی تنخواہ میں اضافے پر خود مجبور ہوجائے
اگر آپ کا دعویٰ ہے کہ آپ دھوکہ نہیں کھا سکتے تو یہ تصاویر آپ کو غلط ثابت کردیں گی
یہ بچی پیدا ہونے سے لے کر اب تک مسکرا رہی ہے۔ اس بچی کی مسکراہٹ کے پیچھے کیا راز ہے جس نے اسے راتوں رات مشہور کر دیا؟
لڑکیاں کہاں گئیں۔۔۔ دنیا کے کونسےمالک میں لڑکوں کو شادی کیلئے لڑکیاں ملنا مشکل ہوچکا ہے؟

سپورٹس
5 سال اور کھیلتا تو وہیل چیئر پر آجاتا،تکلیف میں ہوں بس آپ کی دعائیں چاہیے ، آپریشن کے بعد شعیب اختر کا بیان
ویرات کوہلی ٹی ٹونٹی کے بعد ون ڈے ٹیم سے بھی باہر ہو گئے
گال ٹیسٹ میں سری لنکا کوشکست ،پاکستان نے بڑا اعزاز اپنے نام کر لیا
گال ٹیسٹ ،فیصلہ کن دن کا آغاز، پاکستان کو جیت کیلئے 90رنز کی ضرورت
بابر اعظم نے تاریخ رقم کردی، لگاتار 9 نصف سنچریاں بنانے والے دنیا کے پہلے بلے باز بن گئے
لاکھوں کی نہیں بلکہ کروڑوں کی ہے.. بابر اعظم کی نئی گاڑی کی قیمت آپ کے ہوش اڑا دے گی

Copyright © 2020 DailyQaim. All Rights Reserved | Privacy Policy