ڈیجیٹل کرنسی نے ہلچل مچادی،قیمت 76لاکھ روپے سے زیادہ ،یہ کرنسی آپ کہاں سے حاصل کر سکتے ہیں؟جانیے تفصیل

       

رواں ہفتے گاڑیاں بنانے والی کمپنی ٹیسلا نے اعلان کیا تھا کہ اس نے جنوری 2021 میں ڈیجیٹل کرنسی بٹ کوائن میں ڈیڑھ ارب ڈالرز کی سرمایہ کاری کی ہے۔اس اعلان کے نتیجے میں بٹ کوائن کی قیمت میں 8 فروری کو 10 فیصد سے زیادہ اضافہ ہوا اور وہ ریکارڈ سطح پر پہنچ گئی۔8 فروری کو اس اعلان کے بعد بٹ کوائن کی قیمت 43 ہزار 625 ڈالرز تک پہنچ گئی۔اب ماسٹر کارڈ، بینک آف نیویارک اور ٹوئٹر کی جانب سے بٹ کوائن سے ادائیگی کو سپورٹ کرنے پر غور کیا جارہا ہے،

جس کے بعد اس کرنسی کی قدر 48 ہزار ڈالرز (76 لاکھ 34 ہزار پاکستانی روپے سے زائد) کی حد کو عبور کرگئی ہے۔11 فروری کو بٹ کوائن کی قدر 7.4 فیصد اضافے سے 48 ہزار 364 ڈالرز تک پہنچ گئی۔ماسٹر کارڈ کے ڈیجیٹل ایسٹ اینڈ بلاک چین کے نائب صدر راج داھمودرھن نے ایک بلاگ پوسٹ میں کہا کہ کمپنی کی جانب سے رواں سال مخصوص ڈیجیٹل کرنسیوں کی سپورٹ کی جائے گیانہوں نے کہا کہ اس سپورٹ میں صارفین کے تحفظ کا خیال رکھا جائے گا جس میں پرائیویسی اور کنزیومر انفارمیشن کی سخت نگرانی ہوگی، یہ بالکل اسی سطح کی سیکیورٹی ہوگی جیسی لوگ کریڈٹ کارڈز میں توقع رکھتے ہیں۔بلاگ میں کہا گیا کہ ماسٹر کارڈ نئی ڈیجیٹل کرنسیوں کو متعارف کرانے کے اپنے منصوبے کے حوالے سے دنیا بھر کے مرکزی بینکوں سے متحرک انداز سے رابطے میں ہے۔دوسری جانب بینک آف انگلینڈ میلون کارپوریشن نے 11 فروری کو بتایا کہ وہ مخصوص صارفین کے لیے بٹ کوائن اور دیگر کرپٹو کرنسیز کو رکھنے، ٹرانسفر اور اجرا کی سروس متعارف کرانے پر غور کررہی ہے۔ڈیجیٹل کرنسیوں میں مختلف حلقوں کی دلچسپی اس وقت بہت زیادہ بڑھ گئی جب دنیا کے امیر ترین شخص ایلون مسک نے ان کی سپورٹ میں ٹوئٹر پر پوسٹس کیں۔ٹیسلا کی جانب سے اس اعلان سے 10 دن قبل ایلون مسک نے ٹوئٹر پروفائل پیج پر بٹ کوائن ہیش ٹیگ کا اضافہ کیا تھا، جس کے بعد ڈیجیٹل کرنسی کی قیمتوں کو پھر پر لگ گئے تھے۔کچھ دن بعد ایلون مسک نے وہ ہیش ٹیگ ہٹا دیا تھا مگر بٹ کوائن اور دیگر ڈیجیٹل کرنسیوں بالخصوص ڈوگی کوائن پر بات کرتے رہے،

جس کی قیمت میں بھی ریکارڈ اضافہ ہوا۔دسمبر 2020 میں ایلون مسک نے عندیہ دیا تھا کہ وہ ٹیسلا کی بیلنس شیٹ کو بٹ کوائن میں منتقل کرنے کے امکانات پر غور کررہے ہیں۔ٹوئٹر کے سی ایف او نیڈ سیگل نے سی این بی سی سے ایک انٹرویو میں کہا کہ سوشل نیٹ ورک کی جانب سے بٹ کوائن کی سپورٹ پر کام کیا جارہا ہے۔اس مقصد کے لیے ملازمین اور تاجروں سے کرپٹو کرنسی سے ادائیگیوں کا پوچھا جائے گا اور دیکھا جائے گا کہ کیا کمپنی کی بیلنس شیٹ ڈیجیٹل اثاثوں کی ضرورت ہے یا نہیں۔2021 کے دوران بٹ کوائن کی قیمتوں میں لگ بھگ 50 فیصد جبکہ 2020 میں 300 فیصد سے زیادہ اضافہ دیکھنے میں آیا۔



اس وقت سب سے زیادہ مقبول خبریں


تازہ ترین خبریں
دفاعی میدان میں پاکستان کی ایک اور کامیابی پاکستان نے کروز میزائل بابر کا کامیاب تجربہ کر لیا۔ آئی ایس پی آر
کراچی سے گرفتار دہشتگرد افغان حساس ادارے کے افسر نکلے بھارتی خفیہ ایجنسی ’’را‘‘سے رابطے میں تھے، موبائل فونز کی ابتدائی فرانزک رپورٹ میں انکشاف۔
بھارت کی دہشتگردوں کی حمایت پر اقوام متحدہ نے پاکستان کا مؤقف تسلیم کرلیا۔ افغانستان میں مقیم ٹی ٹی پی اور جے یو اے کو پاکستان کے لیے لاحق خطرہ تسلیم کیا
پاکستانی کوہ پیما محمد علی سدپارہ کے-ٹو سر کرنے میں کامیاب، پاکستان کی بلند ترین چوٹی پر سبز ہلالی پرچم لہرا دیا گیا
بلوچستان کا دارالحکومت کوئٹہ کے علاقے انسکب روڈ پر کمشنر آفس دھماکے سے لرز اٹھا،ہلاکتوں کا خدشہ، متعدد گاڑیاں تباہ
پاکستان نے زمین سے زمین تک مار کرنے اور جوہری ہتھیار لے جانے کی صلاحیت والے بیلسٹک میزائل غزنوی کا کامیاب تجربہ کر لیا

سپورٹس
بابراعظم کو آؤٹ کر کے معذرت کیوں کی۔۔۔ شاہین شاہ آفریدی نے وجہ بتا دی
پی ایس ایل 6، لاہور قلندرز نے کراچی کنگز کو 6 وکٹوں سے ہرا دیا فخرزمان اور بین ڈنک کی نصف سنچریاں
پی ایس ایل6،شرجیل کا لاٹھی چارج، کراچی کنگز نے لاہور قلندرز کو تگڑا ہدف دے دیا
پی ایس ایل 6 کا دسواں میچ، پشاور زلمی نے اب تک کی ناقابل شکست اسلام آباد یونائیٹڈ کو شکست دے دی
سرفراز احمد کی دھواں دار اننگ، پشاور زلمی کیخلاف کوئٹہ گلیڈی ایٹرز نے رنز کا پہاڑ کھڑا کر دیا
پی ایس ایل 6، اسلام آباد یونائیٹڈ نے کراچی کنگز کو 5 وکٹوں سے ہرا دیا اسلام آباد کے لیے ہیلز،حسین طلعت اور افتخار کی عمدہ بلے بازی

Copyright © 2020 DailyQaim. All Rights Reserved | Privacy Policy