لندن(آئی این پی) قومی کرکٹ ٹیم کے کپتان سرفراز احمد نے کہا ہے کہ کوشش کریں گے کہ بنگلہ دیش کیخلاف ٹاس جیت کر 500رنز کریں، کوشش کریں گے میچ جیتیں ، نصیب میں ہوا تو معجزہ ہوجائے گا ،ہماری ہفتے کی واپسی کے ٹکٹس بک ہیں۔ان خیالات کا اظہار انھوں نے میڈیا سے گفتگو کرتے ہوئے کیا،ان کا کہنا تھا کہ اگر معجزہ ہوگیا تو ٹکٹس آگے بڑھ

جائیں گے۔ بنگلادیش سے پانچ جولائی کو ہونے والے میچ کے بعد ان کی واپسی کی فلائٹ اگلے روز کے لیے بک ہے۔قومی ٹیم کے کپتان نے کہا کہ آسٹریلیا سے میچ ٹرننگ پوائنٹ تھا، اس میں شکست سے پاکستانی ٹیم کو نقصان ہوا۔ بنگلا دیش کےخلاف ہمیں بڑا اسکور بنانا ہے، بدقسمتی سے دیگر ٹیموں کے مقابلے میں ہمارا ٹاپ آرڈر ناکام رہا،ہم تو آئے سارے میچ جیتنے کو ہی تھے، نیٹ رن ریٹ کا مارجن کافی مشکل ہے،ہم چار میچز ضرور ہارے لیکن یہ ورلڈ کپ ہے، الگ پریشر ہوگا۔خیال رہے کہ انگلینڈ کی انڈیا اور نیوزی لینڈ کے خلاف فتوحات نے پاکستان کے لیے سیمی فائنل میںرسائی کو لب بھگ ناممکن بنا دیا ہے۔تجزیہ کاروں کے مطابق پاکستان کو فائنل میں رسائی کے لیے بنگلا دیش کو 316 رنز کے بڑے مارجن سے شکست دینی ہوگی۔خیال رہے کہ بھارت سے شکست کے بعد پاکستانی ٹیم نے شان دار کم بیک کیا اور جنوبی افریقا، نیوزی لینڈ اور افغانستان کو شکست دے۔