لندن (نیوزڈیسک) قومی کرکٹ ٹیم کے کپتان سرفراز احمد نے کہا ہے کہ میرے رن آؤٹ پر تنقید درست ہے، وہاں دوسرا رن نہیں بن سکتا تھا۔ خیال رہے کہ سرفراز احمد کی اس غلطی کی وجہ سے پاکستانی ٹیم شکست کے دوراہے پر آگئی تھی۔ سرفراز احمد نے افغانستان کے میچ میں اہم موقع پر رن آؤٹ ہونے کی غلطی کا اعتراف کرتے ہوئے کہا کہ ان کے رن آؤٹ

پر تنقید درست ہے، وہاں دوسرا رن نہیں بن سکتا تھا، دوسرا رن لینا انکی غلطی تھی۔ قومی کرکٹ ٹیم کے کپتان سرفراز احمد کا کہنا ہے کہ ٹیم نے غلطیوں سے سبق سیکھ لیا اب بنگلا دیش کیخلاف بھرپور تیاری کیساتھ میدان میں اتریں گے۔ لندن میں میڈیا سے بات کرتے ہوئے انہوں نے کہا کہ بھارت کیخلاف میچ کے بعد تمام کھلاڑیوں کو اکٹھاکرکیبات کی کہ کھلاڑیوں اور منیجمنٹ کی بھرپور محنت کے باوجود کہاں غلطیاں کررہے ہیں کہ بطور ٹیم اچھی پرفارمنس کا مظاہرہ نہیں کرپارہے،اپنے مسائل کا جائزہ لینے کے بعد سینئرز اور جونیئرز سب نے کہا کہ گزشتہ میچز میں جو ہوا، اس کو بھلا کر آئندہ میچز کیلیے نئے عزم کیساتھ میدان میں اتریں گے،اس کے بعد پاکستاننے بطور ٹیم بہتر کارکردگی کا مظاہرہ کرتے ہوئے فتوحات حاصل کیں۔ سرفراز احمد کا کہنا تھا کہ انگلینڈ میں پرستاروں اور پاکستانی عوام کی سپورٹ سے کھلاڑیوں کے حوصلے بلند ہیں، امید ہے کہ بنگلا دیش کیخلاف میچ میں بھی ان کی حوصلہ افزائی برقرار رہے گی۔ایک سوال پر سرفراز احمد نے کہا کہ حارث سہیل نمبر 5پر بیٹنگ کرتے ہوئے ٹیم کیلیے زیادہ بہتر پرفارم کرسکتے تھے،اس لئے خود بعد میں

بیٹنگ کا فیصلہ کیا،مجھ سمیت کسی کے بھی بیٹنگ نمبر سے زیادہ ٹیم کے مفاد میں فیصلوں کی اہمیت ہے۔پاک افغان میچ کے حوالے سے ٹویٹر صارف نے تبصرہ کرتے ہوئے کہا تھا کہ ”یہ 50اوورز نہیں 50ہارٹ اٹیک تھے“۔